Shia kɛ Shia Nitsumɔ Yɛ Gbɛ ni Mɔɔ Shi Nɔ
1 Nɔ ni fe afii ohai nyɔŋma kɛ nɛɛhu ni eho nɛ, ni Yesu Kristo. Kristojamɔ Shishijelɔ lɛ jaje akɛ: “Ni ja ashiɛ sanekpakpa lɛ atsɔɔ Jeŋmaji fɛɛ da.” (Mar. 13:10) Nakai gbalɛ ni ajaje lɛ eba mli anɔkwale ejaakɛ Yehowa Odasefoi fe akpekpei 4.2 miishiɛ sanekpakpa lɛ yɛ maji 211 nɔ yɛ jeŋ fɛɛ.
2 Akɛni gbɔmɛi aaafee akpekpei 15 yɔɔ maŋ nɛɛ mli, ni akɛ Kaimɔ lɛ ni afee yɛ nyɛsɛɛ April lɛ gbala gbɔmɛi 139,351 kɛba shishi lɛ, belɛ sane lɛ yɛ faŋŋ akɛ babaoo yɛ ni Maŋtsɛyeli shiɛlɔi 36,000 ni yɔɔ maŋ nɛɛ mli lɛ baatsu yɛ ŋmaakpamɔ lɛ naagbee fa nɛɛ mli. Okɛ anɔkwale ni eji akɛ aaafee afi enyɔ kɛ ta ni akɛtsi wɔnaa lɛ hu etee mɛi amiishɛɛ shi yɛ Yehowa Odasefoi anitsumɔ lɛ he yɛ maŋ nɛɛ mli lɛ hu afata he. Susumɔ asafoi babaoo ni miigbugbuu shi yɛ futufutu jamɔ mli lɛ mli lɛ hu he, ni enɛ haa bɔ ni shia kɛ shia sɔɔmɔ lɛ he hiaa babaoo ha lɛ jɛɔ kpo faŋŋ.—Bɔf. 17:27; Yona 4:11.
3 Nɔ ni Mɛi Komɛi Feɔ: Asafoi komɛi eje shia kɛ shia odaseyeli krɛdɛɛ ko shishi ekoŋŋ shikome loo shii enyɔ yɛ daa nyɔŋ nɔ. Atsɔɔ hiɛ atswaa asafo lɛ adafi ni awoɔ hewalɛ ni mɔ fɛɛ mɔ kɛ ehe awo mli yɛ ekaa naa. Mɛi komɛi hu feɔ nakai kɛjɛɔ Woloŋ Nikasemɔ he lɛ. Enɛ sa yijiemɔ waa.—Mat. 10:11-13; Bɔf. 20: 20, 26.
4 Bɔ ni Ooofee ni Ohe Asa: Wɔ Maŋtsɛyeli Sɔɔmɔ lɛ baafa 4 loo ehei krokomɛi kɛ nɔ ni wɔbaanyɛ wɔkɛtsu nii yɛ shiɛmɔ mli yɛ nyɔŋ lɛ mli haa wɔ. Ani okaseɔ shiɛmɔ wiemɔi nɛɛ jogbaŋŋ ni ohaa efeɔ bo diɛŋtsɛ onɔ kɛtsɔ ekasemɔ nɔ? Kɛfata he lɛ. Reasoning From the Scriptures wolo lɛ aloo Shiɛmɔ Wiemɔi woji bibii lɛ loo Shiɛmɔ Wiemɔi ni yɔɔ New World Translation Biblia lɛ sɛɛ lɛ tɛɛ kɛ saji sɔrɔtoi babaoo haa wɔ ni wɔbaanyɛ wɔkɛtsu nii yɛ shiɛmɔ mli amrɔ nɔŋŋ.
5 Aawo Woloŋ Nikasemɔ nɔkwɛlɔi ahewalɛ ni amɛgbala kuu lɛ jwɛŋmɔ kɛba hiɛkpamɔ wiemɔi ni baasa shikpɔŋkuku lɛ ni abaanyɛ ana yɛ Reasoning wolo lɛ baafai 9 kɛyashi 15 kɛ agbɛnɛ hei ni sa ni yɔɔ baafai 15 kɛyashi 24 ni kɔɔ mɛi ni tsĩɔ sanegbaa naa lɛ ahe lɛ anɔ. Ehe miihia ni onukpai kɛ asafoŋ sɔɔlɔi ato okadi kpakpa amɛfɔ shi. Efaaa kɛkɛ akɛ amɛaawɔ asafo lɛ hewalɛ ni amɛkɛ amɛhe awo shia kɛ shia sɔɔmɔ lɛ mli yɛ be mli ni amɛ diɛŋtsɛ lɛ amɛbɛ jɛmɛ ni amɛaanyiɛ hiɛ ni amɛtsɔse mɛi krokomɛi
6 Nyɛhiɛ akɛkpaa gbekɛbii lɛ anɔ, ejaakɛ abaanyɛ atsɔɔ amɛ ŋmalɛ kome shiɛmɔ wiemɔi. dɛhiɛmɔ woji kɛ woji tɛtrɛbii kɛhamɔ yɛ gbɛ ni waaa kwraa nɔ. (Mat. 21:16) Aajie yi waa ni weku lɛ mlibii fɛɛ akase enɛ jogbaŋŋ. Nɔ ni ajieɔ yi hu ji shia kɛ shia kadimɔ wolo lɛ loo wolo bibioo ko ni oookadi mɛi ni yɔɔ sane lɛ he miishɛɛ ni ona kɛ mɛi ni bɛ shia lɛ owo mli.
7 Wɔnyɛɛɛ wɔya shia kɛ shia tsɔ yɛ wɔnaatsii be lɛ mli. Amrɔ nɛɛ ni naatsii lɛ eho lɛ, ani okɛ ohe miiwo shia kɛ shia sɔɔmɔ lɛ mli? Eba akɛ suɔmɔ ni oyɔɔ kɛha Nyɔŋmɔ kɛ onaanyo lɛ aaakanya bo ni ofee nakai.—Mat. 10:27; Kpoj. 11:17.