Teokrase Sɔɔmɔ Skul Niŋmaa Kaa

Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ September 7 kɛyashi December 21, 1992. Okɛ wolo kroko atsu nii ni okɛŋmala hetoi abɔ ni ooonyɛ lɛ yɛ be ni ato lɛ mli.

[KADIMƆ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]

Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:

1. Ehi jogbaŋŋ akɛ aaakase wiemɔ ni abaaha lɛ awo yitsoŋ koni aye he kɛjɛ otii ni aŋmala lɛ mlikwɛmɔ he. [sg bf. 63 kk. 17]

2. Kɛji ootao ni ogbee kɛ wiemɔ aya hiɛ lɛ, eyeɔ ebuaa kɛji obo bo diɛŋtsɛ ogbee ni akɛwo kpaa nɔ lɛ toi okwɛ. [sg bf. 64 kk. 3]

3. Ehe ehiaaa ni wɔkɛ ŋaalee atsu nii kɛji wɔkɛ wɔ wekumɛi ni jeee heyelilɔi miiwie. [sg bf. 72 kk. 12]

4. Saji ni abiɔ ni ehaa mɔ tsɔɔ ejwɛŋmɔ lɛ yeɔ ebuaa waa ni ehaa anyɛɔ ashɛɔ mɔ lɛ tsui he. [sg bf. 76 kk. 10]

5. Kɛji gbɔmɔgbelɔ ni jeee gbɛ eje lɛ hi abobaa maŋ lɛ mli lɛ, no baaha eyoo hiɛdɔɔ ni yɔɔ nɔ ni efee lɛ mli kɛ mɔbɔ hu ni Yehowa ena lɛ ni eŋmɛ lɛ gbɛ ni ena teemɔ he lɛ jogbaŋŋ. (Yosh. 20:⁠6) [Daa otsi Biblia kanemɔ; kwɛmɔ w73 bf. 304 hu.]

6. Taakɛ atsɔɔ mli yɛ sane ni yɔɔ Kojolɔi 6:​37-39 lɛ mli lɛ, Gideon kɛ henɔkwɛmɔ miitsu nii tsɔ fe nine. [Daa otsi Biblia kanemɔ; kwɛmɔ w88 4/1 bf. 30.]

7. Eyɛ mli akɛ Manoa enaaa Nyɔŋmɔ diɛŋtsɛ moŋ, shi enu he akɛ ena lɛ ejaakɛ ena ŋwɛibɔfo ni etsɔ ehe gbɔmɔ ni ji Nyɔŋmɔ naawielɔ lɛ. (Koj. 13:22) [Daa otsi Biblia kanemɔ; kwɛmɔ w88 5/15 bf. 23.]

8. Bei pii lɛ akaneee Samuel kɛ ebihii lɛ afataaa kojolɔi ni sɔmɔ yɛ Yoshua sɛɛ lɛ ahe. [Daa otsi Biblia kanemɔ; kwɛmɔ w86 6/1 bf. 31.]

9. Eyɛ mli akɛ ejeee osɔfo moŋ, shi Samuel fee nɔ ni ja beni esha afɔlei, taakɛ aŋma yɛ 1 Samuel 10:8 lɛ. [Daa otsi Biblia kanemɔ; kwɛmɔ w71 bf. 478.]

10. Yonatan tsɔɔ bɔ ni ekpɛlɛɔ David nɔ kɛ heshibaa ni eyɔɔ kɛha lɛ akɛ mɔ ni afɔ Iɛ mu akɛ maŋtsɛ lɛ kɛtsɔ etadei, eklante, egãi kɛ emlifiinɔ ni ekɛha David lɛ nɔ. (1 Sam. 18:​3, 4) [Daa otsi Biblia kanemɔ; kwɛmɔ wGA89 1/1 bf. 24 kk. 4.]

Ha sanebimɔi ni nyiɛ sɛɛ nɛɛ ahetoo:

11. Mɛni hewɔ eja jogbaŋŋ akɛ Yehowa wo akpɔ ni akpata Baal jalɔi fɛɛ ahiɛ lɛ? [si bf. 47 kk. 7 (1983 nɔ lɛ, bf. 47 kk. 8)]

12. Mɛni ji sɛɛnamɔi ni yɔɔ wiemɔ ni akwɛɛɛ wolo mli ahaa lɛ he lɛ ateŋ enyɔ? [sg bf. 59-60 kk. 5-7]

13. Te abaanyɛ atsɔɔ ŋaalee shishi aha tɛŋŋ? [sg bf. 69 kk. 2]

14. Kɛji wɔmiitsɔɔ mɔ kroko nii lɛ, mɛni hewɔ esa akɛ wɔbɔ mɔdɛŋ ni wɔɔfee babaoo fe nilee kɛkɛ ni wɔɔha ena lɛ? [sg bf. 75 kk.7, 8]

15. Yɛ wiemɔ sɛɛ lɛ, mɛni hu he hiaa yɛ sanegbaa mli? [sg bf. 79 kk. 3]

16. Kɛji kuu ko sanegbaa tsɔ nɔ ni wooo mɔ hewalɛ dɔŋŋ lɛ, mɛni wɔ diɛŋtsɛ wɔbaanyɛ wɔfee yɛ he? [sg bf. 83 kk. 22]

17. Yɛ wiemɔ ni yɔɔ Kojolɔi 4:4 lɛ naa lɛ, ani abaanyɛ abu Debora akɛ blema Israel kojolɔi lɛ ateŋ mɔ kome? Tsɔɔmɔ mli. [Daa otsi Biblia kanemɔ; kwɛmɔ w86 6/1 bf. 31.]

18. Mɛni hewɔ Samson tee yoo ajwamaŋ lɛ shia, yɛ Filistibii amaŋ ni ji Gaza lɛ mli lɛ? (Koj. 16:⁠1) [Daa otsi Biblia kanemɔ; kwɛmɔ w79 2/15 bf. 31.]

19. Mɛni hewɔ Yehowa ‘shwa ehe akɛ ewo Saul maŋtsɛ’ lɛ? (1 Sam. 15:​10, 11) [Daa otsi Biblia kanemɔ; kwɛmɔ g77 3/22 bf. 28.]

Okɛ wiemɔ kome loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:

20. Nibii ni efɔɔɔ baa yɛ adebɔɔ mli, ni aŋmala he saji yɛ Yoshua 10:​10-14 lɛ ji kaimɔ nibii ni mli wawai ni tsɔɔ ․․․․․․․ [si bf. 45 kk. 23 (bf. 46 kk. 23)]

21. Bei pii lɛ, esa akɛ gbɛ ni ka wielɔ lɛ naabu kɛ tsɔne ni awieɔ awoɔ mli lɛ teŋ lɛ afee ․․․․․․․ jɛkɛmɔ. [sg bf. 68 kk. 19]

22. Wɔbaanyɛ wɔtsɔ Nyɔŋmɔ mumɔ lɛ yelikɛbuamɔ nɔ ni wɔhe awa yɛ mumɔŋ tamɔ bɔ ni ․․․․․․․ he wa yɛ gbɔmɔtsoŋ lɛ, shi ja wɔsɔle wɔbi Yehowa ni wɔkɛ wɔhe kpasa lɛ da. [si bf. 50 kk. 27 (bf. 50 kk. 28)]

23. Rut wolo lɛ maa Yehowa yiŋtoo akɛ ekɛ ․․․․․․․ baaha lɛ nɔ mi. [si bf. 51 kk. 1(bf. 51 kk. 1)]

24. Sane ni aŋma yɛ Kojolɔi 19:15 lɛ tsɔɔ nifeemɔ ko ni efɔɔɔ kaa yɛ Israelbii ahe ni ji ․․․․․․․ ni amɛjieee kpo amɛtsɔɔɔ be ko, taakɛ amɛfeɔ daa lɛ. [Daa otsi Biblia kanemɔ; kwɛmɔ w75 bf. 359.]

25. Anyɛŋ atsi Nyɔŋmɔ mla ni kɔɔ ․․․․․․․ he lɛ ama afa yɛ jaramɔ bei amli. (1 Sam. 14:​31-34) [Daa otsi Biblia kanemɔ; kwɛmɔ w86 9/1 bf. 25.]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

26. Agbe Kojolɔi awolo lɛ ŋmaa naa (af. 1090; af. 1100; 1078) D.Ŋ.B. [si bf. 46 kk. 3 kɛ akrabatsa lɛ (bf. 46 kk. 3)]

27. (Rut; Rahab; Debora) shi lɛ diɛŋtsɛ emaŋ koni enyɛ edi Yehowa jamɔ sɛɛ, ni ejie ehe kpo akɛ anɔkwafo, heshibalɔ, kɛ nitsulɔ ni jɛɔ esuɔmɔ mli etsuɔ nii. [si bf. 52 kk. 9 (bf. 52 kk. 9)]

28. Yɛ afi (917; 1017; 1117) D.Ŋ.B. lɛ, tsakemɔ wulu ko ba yɛ bɔ ni ato Israel maŋ muu lɛ fɛɛ he gbɛjianɔ aha lɛ mli. [si bf. 53 kk. 1 (bf. 53 kk. 1)]

29. Mɛi ni ŋmala 1 Samuel wolo lɛ ji (Samuel; Gad; Nathan; David; Saul) . [si bf. 53 kk. 2 (bf. 53 kk. 2)]

30. Mɔ ko ni wo eweku mlibii ahiɛ nyam fe Nyɔŋmɔ ji (Manoa; Eli; Saul) . (1 Sam. 2:​29, 30) [Daa otsi Biblia kanemɔ; kwɛmɔ w87 12/15 bf. 16 kk. 8.]

Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee;

Yosh. 22:​9-31; Koj. 8:​23; Rut 2:9; 1 Sam. 21:​13-15; Efes. 5:​3, 4

31. Nyɔŋmɔ Wiemɔ lɛ kudɔɔ wɔ yɛ wiemɔi ni esa akɛ wɔtsi wɔhe kɛjɛ he yɛ wɔ daa gbi shihilɛ mli lɛ gbɛfaŋ. [sg bf. 56 kk. 9]

32. Yehowa ekpɛlɛɛɛ bɔlɛnamɔ ni akɛwoɔ yei ahe gbeyei loo akɛgbaa amɛnaa lɛ nɔ. [Daa otsi Biblia kanemɔ; kwɛmɔ w87 3/15 bf. 5.]

33. Kɛji wɔkɛ naagbai miikpe lɛ, Yehowa kpaa wɔ gbɛ akɛ wɔkɛ wɔjwɛŋmɔŋ nyɛmɔi baatsu nii fe ni wɔɔmɛ lɛ doo ni ebajaje nibii jogbaŋŋ eha wɔ. [Daa otsi Biblia kanemɔ; kwɛmɔ w87 4/15 bf. 19 kk. 14.]

34. Esa akɛ adesai ni yeee emuu lɛ ate shi awo kaa ni baaha amɛkɛ hewalɛ ni amɛna lɛ atsu nii yɛ gbɛ fɔŋ nɔ lɛ. [Daa otsi Biblia kanemɔ; kwɛmɔ w86 8/15 bf. 11 kk. 13.]

35. Sɛɛyoomɔ baaye abua wɔ koni wɔkasusu mɛi krokomɛi anifeemɔi ahe kɛ jwɛŋmɔ fɔŋ. [Daa otsi Biblia kanemɔ; kwɛmɔ w86 11/1 bf. 23 kk. 10.]