Sanebimɔ He

Mɛni ji sɔrɔto ni yɔɔ mɔ ni kɛ asafo lɛ ebɔɔɔ dɔŋŋ kɛ shiɛlɔ ni egbɔjɔ teŋ?

Mɔ ko ni kɛ asafo lɛ ebɔɔɔ dɔŋŋ ji mɔ ko ‘ni, eyɛ mli akɛ eji asafo lɛ mli nyo ni abaptisi lɛ moŋ, shi ejeɔ gbɛ ekpooɔ e-Kristofoi ashidaamɔ lɛ kwraa, ni ekpooɔ asafo lɛ, ni ewieɔ akɛ esumɔɔɔ ni aleɔ lɛ dɔŋŋ akɛ eji Yehowa Odasefoi ateŋ mɔ ko. (Our Ministry, bt. 160) Ekolɛ eje gbɛ ekɛɛ onukpai lɛ faŋŋ akɛ ejeee Yehowa Odasefoi ateŋ mɔ ko dɔŋŋ.

Shiɛlɔ ko baanyɛ ekɛ asafo lɛ akpa bɔɔ kɛtsɔ enifeemɔ nɔ​—kɛ eyafata je lɛŋ gbɛjianɔtoo ko ni yiŋtoo kɛ Biblia lɛ kpaaa gbee lɛ he. (Okɛto Yesaia 2:4 he.) Kristofonyo ni yafataa jamɔ kroko he lɛ tseɔ ehe kɛjɛɔ Kristofoi asafo lɛ he ni ekɛ asafo lɛ kpaa bɔɔ.​—Kwɛmɔ The Watchtower, October 15, 1986, baafa 31.

Kɛ mɔ ko kɛ asafo lɛ kpa bɔɔ lɛ, atswaa asafo lɛ adafi kuku kɛkɛ yɛ he. No sɛɛ lɛ, abaabu lɛ tamɔ bɔ ni abuɔ mɔ ko ni ashwie lɛ kɛjɛ asafo lɛ mli lɛ nɔŋŋ.​—1 Yoh. 2:​19; 2 Yoh. 10, 11; Wɔ Maŋtsɛyeli Sɔɔmɔ, June 1993, Sanebimɔ He.

Yɛ gbɛ kroko nɔ lɛ, kɛ Kristofonyo ko gbɔjɔ yɛ mumɔŋ ni ekɛ ehe wooo shiɛmɔ nitsumɔ lɛ mli dɔŋŋ kɛtsara nɔ nyɔji ekpaa lɛ, ebatsɔɔ mɔ ni egbɔjɔ. Yɛ gbɔjɔmɔ shihilɛ nɛɛ hewɔ lɛ, ekolɛ ekpaa kpeeiyaa hu. ‘Ekolɛ nɛkɛ gbɔmɔ nɛɛ ekaseee Nyɔŋmɔ Wiemɔ lɛ daa, aloo ekolɛ ekɛ teemɔŋ naagbai loo yiwaa miikpe.’ (Our Ministry, bi. 150) No hewɔ lɛ Kristofonyo ni egbɔjɔ lɛ shidaamɔ yɛ sɔrɔto kwraa yɛ Yehowa hiɛ yɛ mɔ ko ni kɛ asafo lɛ ekpa bɔɔ lɛ shihilɛ he.

Abaanyɛ aye abua mɔ ko ni egbɔjɔ lɛ yɛ mumɔ ni yɔɔ Romabii 15:1 lɛ shishinumɔ naa, ejaakɛ ákɛ mɔ ni tamɔɔɔ mɔ ko ni kɛ asafo lɛ ekpa bɔɔ lɛ, lɛ lɛ eji nyɛmi lolo. Nyɛhaa wɔ fɛɛ wɔyea wɔbuaa ni ‘wɔkɛwajea niji ni mli eje wui’ ni ji mɛi ni egbɔjɔ ni yɔɔ wɔ shikpɔŋ kuku lɛ mli lɛ, yɛ Yehowa kɛ e-Bi lɛ kasemɔ mii.​—Yes. 35:3; kwɛmɔ Wɔ Maŋtsɛyeli Sɔɔmɔ, November 1983, baafai 1 kɛ 2.