Teokrase Lɛ He Saji

Ghana: Sɔɔlɔi Atsɔsemɔ Skul lɛ klɛŋklɛŋ klas lɛ je shishi yɛ Accra Betel lɛ yɛ May 16, 1994. Hɔgbaa, July 10, 1994, ji skul lɛ naagbee gbi kɛha onukpai kɛ sɔɔlɔi 23 ni fata klɛŋklɛŋ klas lɛ he lɛ. Nɔyeli Kuu lɛ tsu tsɔɔlɔi enyɔ kɛba kɛha klɛŋklɛŋ klas nɛɛ. Áto gbɛjianɔ kɛha klas ni ji enyɔ yɛ August 1, 1994.

◼ Hospital Information Services (HIS) ni yɔɔ Brooklyn, yɛ New York lɛ fee kpee ko yɛ Accra Betel kɛjɛ April 30 kɛyashi May 1, 1994. Oti ni ma amɛhiɛ ji ni amɛtsɔse onukpai ni amɛsɔmɔ yɛ Hospital Liaison Committee sɔrɔtoi lɛ amli. Mɛi ni na mli gbɛfaŋnɔ lɛ ateŋ mɛi komɛi jɛ Côte d’Ivoire, Gam­bia, Guinea, Liberia, Senegal, kɛ Sierra Leone amɛba kpee lɛ. Afɔ̃ onukpai ni ahala kɛjɛ maŋ nɛɛ mli he fɛɛ he lɛ nine kɛba ni amɛ hu amɛna mli gbɛfaŋnɔ.

◼ Ghana na mɛi ni fa fe fɛɛ ni eba Kaimɔ lɛ shishi da, kɛ yibɔ ni ji 158,061 yɛ March 26, 1994. Mɛi nyɔŋma kɛ enyɔ ye okadi nibii lɛ eko. Sanekpakpa nɛ.

◼ Ashɛ shiɛlɔi ayifalɛ ni fe fɛɛ ni ji 41,699 he yɛ April mli. Abɔ ŋmɛlɛtswai ni fa fe fɛɛ, ni ji 829,367 hu he amaniɛ.

◼ Ana shiɛlɔi ayifalɛ ni fe fɛɛ ni ji 42,289 yɛ May mli. Enɛ ji klɛŋklɛŋ kwraa ni wɔhoɔ 42,000 yibɔ lɛ he.