Adafitswai

◼ Wolo ni akɛbaatsu nii yɛ February: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ. Dii woji ni okɛha lɛ asɛɛ. March: Kpojiemɔ—Enaagbee Kwraa lɛ Ebɛŋkɛ! April kɛ May: Buu-Mɔɔ kɛ Awake! lɛ shɛɛ.

◼ Woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ daa gbɛgbalɔi lɛ fɛɛ anitsumɔ mli. Kɛ eewa waa kɛmiiha amɛteŋ mɛi komɛi akɛ amɛaashɛ ŋmɛlɛtswai ni ataoɔ lɛ he lɛ, no lɛ onukpai lɛ ato gbɛjianɔ ni aye abua amɛ. Enɛ baanyɛ aha sɔrɔtofeemɔ aba gbɛgbalɔi ni naa amɛ ŋmɛlɛtswai ni ataoɔ lɛ yɛ omanyeyeli mli, kɛha afi lɛ, loo amɛfɔ̃ɔ gbɛgbamɔ lɛ mli. Kɛha ŋaawoi lɛ, tii Asafo lɛ October 1, 1993 kɛ November 2, 1992 (S-201) woji ni aŋmala lɛ mli. Kwɛmɔ nɔ ni hɔ September 1986 Wɔ Maŋtsɛyeli Sɔɔmɔ lɛ mli lɛ kukuji 12-20 lɛ hu mli.

◼ Kɛ agbe asafoŋ kpeei kɛ kpokpaa nɔ kpee he gbɛjianɔtoi hu anaa yɛ April 23, 1995 lɛ, abaatswa nitsumɔ krɛdɛɛ ko ni baaje shishi lɛ he adafi, koni ajara dɛhiɛmɔ wolo ni hiɛ baafai ejwɛ ni shɛɛ sane ni yɔɔ ebe naa pɛpɛɛpɛ yɔɔ mli lɛ yɛ he fɛɛ he. Abaawo shiɛlɔi ahewalɛ ni amɛgbala jwɛŋmɔ krɛdɛɛ kɛya mɛi ni yɔɔ tsui kpakpa ni kɛ hiɛdɔɔ susuɔ naagbai ni haa mɔ feɔ basaa ni amɛkɛkpeɔ ni taoɔ gbɛtsɔɔmɔ ni akɛ he fɔɔ nɔ lɛ anɔ. Shiɛlɔ fɛɛ shiɛlɔ, ni mɛi heei ni baabɔi shiɛmɔyaa yɛ March, April, kɛ May mli fata he lɛ baasumɔ ni amɛna mli gbɛfaŋnɔ kɛmɔ shi, koni amɛkɛfi tafaa krɛdɛɛ nɛɛ sɛɛ.

◼ Shiɛlɔi ni sumɔɔ ni amɛsɔmɔ akɛ gbɛgbalɔi awalɔi yɛ March, April, kɛ May lɛ ato amɛ gbɛjianɔ amrɔ nɛɛ ni amɛkɛ amɛ gbɛbimɔ wolo lɛ aha mra. Enɛ baaye abua onukpai lɛ koni amɛto shiɛmɔyaa he gbɛjianɔ ni he hiaa koni amɛtao woji ni fa.

◼ Betel tsuŋ nii kwraa yɛ Ju, March 6.

◼ Aawo Twi asafoi lɛ ahewalɛ koni kɛ amɛmiila yɛ kpeei ashishi lɛ amɛkwɛ Twi lala-wolo lɛ mli kɛla. Lala-wolo nɛɛ eko yɛ nitsumɔ he nine lɛ.

◼ Atsɔɔ jara kɛha woji tɛtrɛbii ni baa daa otsii enyɔ ni yɔɔ audiocassette nɔ kɛtsɔ kɔɔyɔŋ lɛlɛ majemɔ nɔ lɛ yɛ October 1, 1994, Cost List lɛ mli. Audiocassette ni tsɔɔ nu hiɛ kɛbaa lɛ jara ji: Gbɛgbalɔ—₵50,000.00; Shwilafo—₵12,000.00; Shiɛlɔ kɛ Maŋbii—₵56,000.00. Nyɛfainɛ ni nyɛŋmaa jara ni atsɔɔ yɛ yiteŋgbɛ lɛ yɛ nyɛ-Cost List lɛ mli.