Adafitswai

◼ Wolo ni akɛbaatsu nii yɛ February: Oweku Shihilɛ Ni Oooha Efee Miishɛɛ. March: Nilee Ni Kɛ Mɔ Yaa Naanɔ Wala Mli. April kɛ May: Buu-Mɔɔ kɛ Awake! lɛ shɛɛ. KADIMƆ: Asafoi ni eshɛko woji kɛhako tafaa ni atsi ta yɛ yiteŋgbɛ lɛ lolo lɛ kɛ amɛ daa nyɔŋ nɔ Literature Request Form (S-14) ni baanyiɛ sɛɛ lɛ ashɛ eko.

◼ Woloŋmalɔ kɛ sɔɔmɔ nɔkwɛlɔ lɛ akwɛ daa gbɛgbalɔi fɛɛ anitsumɔ mli. Kɛ ewa kɛha amɛteŋ mɛi komɛi akɛ amɛaana ŋmɛlɛtswai ni ataoɔ lɛ, no lɛ esa akɛ onukpai lɛ ato gbɛjianɔ koni akɛ yelikɛbuamɔ aha. Ati otii ni yɔɔ nɔ ni hɔ September 1986 Wɔ Maŋtsɛyeli Sɔɔmɔ lɛ mli kukuji 12-20 lɛ mli.

◼ Abaaye Kaimɔ lɛ yɛ Jufɔ, April 2, 1996. Eyɛ mli akɛ ekolɛ wiemɔ lɛ baaje shishi mra moŋ, shi nyɛfainɛ ni nyɛkaia akɛ esa akɛ amɛ ni hulu anyɔ shi dani akɛ Kaimɔ aboloo kɛ wein lɛ atsɔɔ. Esaaa akɛ afeɔ kpee ko nakai gbi lɛ fe kpee kɛha shiɛmɔyaa. Kɛ nyɛ asafo lɛ feɔ kpeei daa Jufɔ lɛ, ekolɛ nyɛbaasumɔ ni nyɛkɛ kpeei nɛɛ awo otsi lɛ mli gbi kroko nɔ.

◼ Shiɛlɔi ni sumɔɔ ni amɛsɔmɔ akɛ gbɛgbalɔi awalɔi yɛ March, April, kɛ May lɛ ato amɛ gbɛjianɔ bianɛ ni amɛkɛ amɛ gbɛbimɔ wolo lɛ aha mra. Enɛ baaye ebua onukpai lɛ ni amɛto shiɛmɔyaa he gbɛjianɔ ni he hiaa lɛ ni ana woji tɛtrɛbii saŋŋ kɛ woji krokomɛi.

◼ Betel tsuŋ nii Shɔ, March 6, 1996. Atsuŋ nɔ ko nakai gbi lɛ, no hewɔ lɛ nyɛfainɛ, nyɛkatswaa tɛlifon loo ni nyɛaato shisheramɔ ko he gbɛjianɔ.

◼ Aawo asafoi lɛ ahewalɛ ni amɛbɔi gbɛjianɔtoo kɛha wein ni akɛbaaye Kaimɔ lɛ namɔ.—Kwɛmɔ February 1, 1985 Buu-Mɔɔ lɛ baafa 27, koni ale wein pɔtɛɛ ni sa kɛha Kaimɔ lɛ yeli.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ji “Asafo ni Yeɔ Anɔkwa Yɛ Kristo Hiɛnyiɛmɔ Shishi.”

◼ Woji Hee ni Yɔɔ:

Blɔfo: Nilee Ni Kɛ Mɔ Yaa Naanɔ Wala Mli

Yehowa Odasefoi kɛ Wolo-Kasemɔ

Kingdom Melodies Album (nibii bɛ mli, kɛha kasɛtii 8).

Ewe: Nilee Ni Kɛ Mɔ Yaa Naanɔ Wala Mli

Yehowa Odasefoi kɛ Wolo-Kasemɔ

Ga: Nilee Ni Kɛ Mɔ Yaa Naanɔ Wala Mli

Yehowa Odasefoi kɛ Wolo-Kasemɔ.

Twi: Nilee Ni Kɛ Mɔ Yaa Naanɔ Wala Mli

Yehowa Odasefoi kɛ Wolo-Kasemɔ.

◼ Woji ni Nine Eshɛ nɔ Ekoŋŋ:

Arabic: How to Find the Road to Paradise (dɛhiɛmɔ wolo).

Blɔfo: Tsɔɔlɔ Kpele lɛ Toiboo

Watchtower Wolokpoi—1960 kɛyashi 1980

“Naa! Miifee Nii Fɛɛ Ehee”

Learn to Read and Write.

Ewe: Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!

◼ Yɛ shiɛmɔyaa he akɔntaabuui ni kpeɔ sɛɛ lɛ he naagba ni yaa nɔ be fɛɛ be lɛ hewɔ lɛ, aakai asafoi lɛ shikome ekoŋŋ ni amɛkɛ amɛ daa nyɔŋ nɔ shiɛmɔyaa he akɔntaabuui lɛ amaje yɛ nyɔŋ fɛɛ nyɔŋ gbi ni ji ekpaa lɛ nɔ bɔni afee ni kɛ hoo kwraa lɛ eshɛ nitsumɔ he nine lɛ dɛŋ dani nyɔŋ lɛ mli gbi ni ji 13 aho. Wɔmiisumɔ ni wɔkɛɛ nyɛ, shiɛlɔi kɛ gbɛgbalɔi fɛɛ ni nyɛkɛ wɔ afee ekome kɛtsɔ nyɛ shiɛmɔyaa he akɔntaabuui lɛ ni nyɛkɛaaha mra yɛ nyɔŋ lɛ naagbee mli lɛ nɔ.