Adafitswai

◼ Wolo ni akɛbaatsu nii yɛ January: Woji fɛɛ ni hiɛ baafãi 192 ni afee dani 1984 shɛ ni ekolɛ asafo lɛ yɔɔ eko. Asafoi ni bɛ nɛkɛ woji nɛɛ eko lɛ baanyɛ ni amɛkɛ Survival Into a New Earth wolo lɛ atsu nii. February: Kpojiemɔ—Enaagbee Kwraa lɛ Ebɛŋkɛ! March: Nɔ Diɛŋtsɛ ni Kɛ Weku Miishɛɛ Baa. April: Buu-Mɔɔ kɛ Awake! lɛ shɛɛ.

◼ Yɛ Sɔɔmɔ Kpee ni abaafee yɛ otsi ni jeɔ shishi kɛjɛɔ January 13 mli lɛ, abaaha shiɛlɔi fɛɛ ni abaptisi amɛ ni eba lɛ Advance Medical Directive/Release wolo lɛ kɛ Identity Card hu kɛha amɛbii.

◼ Maŋshiɛmɔ hee ni kpokpaa nɔkwɛlɔi lɛ baaha kɛjɛ March kɛyaa ji “Okɛ Wolo-Kasemɔ Ajie Yehowa Yi.”

◼ Asafoi lɛ ato gbɛjianɔ ni sa koni aye afi nɛɛ Kaimɔ lɛ yɛ Hɔgbaa March 23, beni hulu enyɔ shi. Eyɛ mli akɛ ekolɛ wiemɔ lɛ baaje shishi mra moŋ, shi esaaa ni akɛ Kaimɔ lɛ he okadi nibii lɛ haa, ja hulu enyɔ shi dã. Akɛni afeŋ kpee ko kwraa yɛ nakai gbi lɛ nɔ ja kpeei kɛha shiɛmɔyaa hewɔ lɛ, esa akɛ afee tsakemɔi ni sa kɛha Buu-Mɔɔ Nikasemɔ yɛ be kroko mli. Ehe baahia ni kpokpaa nɔkwɛlɔi atsake amɛ gbɛjianɔtoo kɛha kpeeiyaa kɛha otsi lɛ yɛ jɛmɛ shihilɛ lɛ naa. Kwɛmɔ January 1996 Wɔ Maŋtsɛyeli Sɔɔmɔ lɛ “Adafitswai” he lɛ kɛha sane nɛɛ mlitsɔɔmɔ lolo.

◼ Abaaha 1997 Kaimɔ be lɛ he maŋshiɛmɔ wiemɔ krɛdɛɛ lɛ yɛ Hɔgbaa, April 6. Akɛ wiemɔ he gbɛjianɔtoo wolo baaha. Asafoi ni kpokpaa nɔkwɛlɔ lɛ baasara amɛ loo amɛbaaya kpokpaa nɔ kpee ko yɛ nakai otsi lɛ naagbee mli lɛ baaha wiemɔ krɛdɛɛ lɛ yɛ otsi ni baanyiɛ sɛɛ lɛ mli. Asafo ko kwraa akaha wiemɔ krɛdɛɛ lɛ dani April 6 shɛ.