Adafitswai

◼ Woji ni akɛbaatsu nii yɛ April kɛ May: Buu-Mɔɔ kɛ Awake! lɛ shɛɛ, kɛ Mɛni Nyɔŋmɔ Taoɔ yɛ Wɔdɛŋ? wolo bibioo lɛ. June: Nilee Ni Kɛ Mɔ Yaa Naanɔ Wala Mli. Agbala jwɛŋmɔ kɛya Biblia mli nikasemɔi ashishijee nɔ. July kɛ August: Woji bibii ni hiɛ baafãi 32 ni nyiɛ sɛɛ nɛɛ eko: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Ji Yiŋtoo ni Yɔɔ Shihilɛ Sɛɛ—Te Ooofee Tɛŋŋ Ole Hu?, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, kɛ Nɔyeli Ni Kɛ Paradeiso Baaba.

◼ Esa akɛ mɛi ni kɛ asafo ko bɔɔ lɛ, kɛ Buu-Mɔɔ kɛ Awake! woji tɛtrɛbii ni ashɛɔ lɛ ehee kɛ nɔ ni abaashɛ ekoŋŋ lɛ he woji ni akɛshɛɔ lɛ fɛɛ, ni amɛ diɛŋtsɛ amɛnɔ ni amɛshɛɔ lɛ fata he lɛ amaje kɛtsɔ asafo lɛ nɔ.

◼ Jeee Asafo lɛ ŋmalaa shiɛlɔi aŋkroaŋkroi awolo ni atsɔɔ nɔ akɛshɛɔ woji lɛ anɔ nii. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje Asafo lɛ, bɔni afee ni mɛi fɛɛ ni sumɔɔ akɛ amɛshɛ woji komɛi lɛ akɛɛ nyɛmi nuu ni kwɛɔ woji anɔ lɛ. Nyɛfainɛ, nyɛhaa woji ni ashɛɛɛ ashwieee shi lɛ ahia nyɛ jwɛŋmɔ mli.

◼ Aakai shiɛlɔi ni yɔɔ Biblia mli sanebimɔi ni kɔɔ saji sɔrɔtoi ahe, loo ŋaawoo bimɔ kɛha naagbai ahe nitsumɔ lɛ akɛ, esaaa akɛ amɛ diɛŋtsɛ amɛbaa, amɛtswaa tɛlifon, loo amɛŋmalaa woji kɛyahaa Asafo lɛ tɛ̃ɛ kɛha saji ahetoo. Aawo amɛ hewalɛ ni amɛkɛ Watch Tower Publications Index wolo lɛ atsu nii kɛtao saji amli yɛ Asafo lɛ woji amli. Wolo kpo lɛ eko fɛɛ eko yɛ ŋmalɛi, kɛ saji ataomɔ hei ni he hiaa waa. Agbɛnɛ hu, onukpai lɛ kɛ nyɛmimɛi krokomɛi ni wɔkɛ amɛ aaasusu he yɛ Maŋtsɛyeli Asa lɛ nɔ lɛ, baaye abua. Kɛ abɔ he mɔdɛŋ yɛ nɛkɛ gbɛ nɔ, ni anaaa sane mlitsɔɔmɔ, loo ŋaawoo ni he hiaa lɛ, no lɛ, abaanyɛ akɛ sane lɛ aba nitsumɔ he nine lɛ kɛtsɔ woloŋmaa nɔ, ni atsɔɔ anɔkwalei fɛɛ ni yɔɔ mli. Onukpai lɛ baanyɛ aye abua yɛ enɛ feemɔ mli.—Kwɛmɔ Wɔ Maŋtsɛyeli Sɔɔmɔ, January 1993, baafã 5; September 1983, baafã 4.

◼ Gbɔmɛi 138,365 ji yifalɛ ni fe fɛɛ ni tee “Nyɔŋmɔ Toiŋjɔlɛ He Bɔfoi” Kpokpaa Wulu nɔ Kpeei ni afee yɛ maŋ nɛɛ mli lɛ fɛɛ lɛ, ni abaptisi gbɔmɛi 2,719.

◼ Woji Heei ni Yɔɔ:

Watch Tower Publications Index 1986-1995.—Blɔfo

Yibaamɔ Kɛmiiya Shikpɔŋ Hee Nɔ.—Ewe

Yibaamɔ Kɛmiiya Shikpɔŋ Hee Nɔ.—Ga

◼ Woji ni Nine Eshɛ nɔ Ekoŋŋ:

Gbɔmɔ ni Fe Mɔ Fɛɛ Mɔ ni Ehi Shi Pɛŋ; Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ (bibioo lɛ).—Blɔfo

Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ (bibioo lɛ).—Twi