Adafitswai
◼ Wolo ni akɛbaatsu nii yɛ September: Nɔ Diɛŋtsɛ ni Kɛ Weku Miishɛɛ Baa. October: Buu-Mɔɔ kɛ Awake! lɛ shɛɛ. Kɛjɛ nyɔŋ lɛ naagbee gbɛ kɛyaa lɛ, abaaja Maŋtsɛyeli Sanekpakpa No. 35 lɛ. November: Maŋtsɛyeli Sanekpakpa No. 35 lɛ jaa baatsa nɔ. Asafoi ni gbeɔ amɛshikpɔŋkuku lɛ fɛɛ mli nitsumɔ naa kɛtsɔ Maŋtsɛyeli Sanekpakpa No. 35 lɛ ni amɛkɛhaa shiatsɛmɛi lɛ nɔ yɛ shia fɛɛ shia loo shihilɛhe lɛ baanyɛ ni amɛkɛ Nilee wolo lɛ aha. December: New World Translation kɛ The Bible—God’s Word or Man’s? wolo lɛ.
◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ September 1 loo no sɛɛ nɔŋŋ. Atswa asafo lɛ adafi kɛ́ afee enɛ momo.
◼ Aakai onukpai lɛ ni amɛnyiɛ gbɛtsɔɔmɔi ni akɛha yɛ April 15, 1991 Buu-Mɔɔ (Vol. 112, No. 8 GA) lɛ baafai 21-3 lɛ ni kɔɔ mɛi fɛɛ ni ashwie amɛ kɛjɛ asafo lɛ mli, loo mɛi ni akɛ amɛ ekpa bɔɔ lɛ ni amɛaasumɔ akɛ ahe amɛ ekoŋŋ lɛ ahe lɛ sɛɛ.
◼ Ehe miihia ni kui ni mɛi 20 loo nɔ ni fe nakai yɔɔ mli ni miito gbɛjianɔ koni amɛbakwɛ Asafo lɛ nitsumɔhei lɛ atsɔ hiɛ aŋma wolo kɛmaje nitsumɔhe nine lɛ dã. Nyɛfainɛ nyɛkɛ mɛi ni baa lɛ ayifalɛ kɛ gbi ni nyɛbaaba nyɛbasara lɛ he saji aha. Asafo lɛ eŋmaŋ wolo diɛŋtsɛ kɛhaŋ woloŋmaa ni tamɔ nɛkɛ lɛ hetoo, no hewɔ lɛ nyɛkamɛa akɛ nyɛaaná hetoo dani nyɛba. Kɛfata he lɛ, Asafo lɛ haŋ asafoi kɛ aŋkroaŋkroi ni basaraa biɛ lɛ wɔɔhei. Nyɛfainɛ nyɛkaŋmaa nyɛbia enɛ. Kɛ mɔ aŋkro ko loo mɛi fioo ko pɛ miito gbɛjianɔ koni amɛyasara Betel lɛ, ehe ehiaaa ni aŋmaa Asafo lɛ wolo kɛtsɔɔ hiɛ dã.
◼ Esa akɛ mɛi ni kɛ asafo ko bɔɔ lɛ, kɛ Buu-Mɔɔ kɛ Awake! woji tɛtrɛbii ni ashɛɔ lɛ ehee kɛ nɔ ni abaashɛ ekoŋŋ lɛ he woji ni akɛshɛɔ lɛ fɛɛ, ni amɛ diɛŋtsɛ amɛnɔ ni amɛshɛɔ lɛ fata he lɛ amaje kɛtsɔ asafo lɛ nɔ.
◼ Jeee Asafo lɛ ŋmalaa shiɛlɔi aŋkroaŋkroi awolo ni atsɔɔ nɔ akɛshɛɔ woji lɛ anɔ nii. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje Asafo lɛ, bɔni afee ni mɛi fɛɛ ni sumɔɔ akɛ amɛshɛ woji komɛi lɛ akɛɛ nyɛmi nuu ni kwɛɔ woji anɔ lɛ. Nyɛfainɛ, nyɛhaa woji ni ashɛɛɛ ashwieee shi lɛ ahia nyɛ jwɛŋmɔ mli. Esaaa akɛ ashɛɔ enɛɛmɛi ashwieɔ shi.
◼ Aakai sɔɔmɔ ajinafoi akuu lɛ kɛtsɔ enɛ nɔ akɛ, amɛkwɛ koni akɛ Literature Inventory Form (S-AB-18) lɛ amaje nitsumɔhe nine lɛ dani September 6, 1997 aho. Esa akɛ akɛ Congregation Analysis Report (S-10) lɛ amaje mra dani September 10, 1997 aho.
◼ Kɛ aashɛ woji lɛ, esa akɛ asafoi lɛ aha ehi amɛ jwɛŋmɔŋ akɛ esaaa akɛ akɛ Asafo lɛ CD-ROM lɛ haa yɛ gbɛ ni ejaaa nɔ. Eyɛ kɛha shiɛlɔi titri ni amɛkɛtsu nii.
◼ May 1997 Wɔ Maŋtsɛyeli Sɔɔmɔ lɛ “Sanebimɔ He” lɛ jie yi akɛ, esa akɛ wɔkwɛ wɔhe nɔ jogbaŋŋ yɛ shiɛlɔi ni ji nuu kɛ yoo ni amɛaatsu nii yɛ shiɛmɔ nitsumɔ lɛ mli lɛ he. Yiŋtoi kpakpai yɛ ni wɔ fɛɛ wɔɔdamɔ nɔ wɔkɛ jwɛŋmɔ kpakpa atsu sane nɛɛ he nii. Enɛ etsɔɔɔ akɛ nɔkwɛlɔi gbɛfalɔi loo nyɛmimɛi hii krokomɛi po nyɛŋ amɛkɛ nyɛmimɛi yei atsu nii yɛ shiɛmɔ nitsumɔ lɛ mli. Shi moŋ, jwɛŋmɔ ni yɔɔ sɛɛ ni atsɔɔ mli lɛ ji akɛ, nilee bɛ mli akɛ nyɛmi nuu ko kɛ yoo kome too lɛ nɔŋŋ ni jeee ewekunyo ji lɛ lɛ pɛ aaanyiɛ be fɛɛ be.
◼ Aato Watchtower Publications and Cost List hee he gbɛjianɔ, ni akɛ ejwɛ baamaje asafo fɛɛ asafo. Esa akɛ aja akɛha woloŋmalɔ lɛ kɛ nyɛmimɛi hii ni kwɛɔ woji, woji tɛtrɛbii, kɛ shika nɔ lɛ.
◼ Aakai nyɛ akɛ, kɛ aashɛ woji tɛtrɛbii lɛ ekoŋŋ lɛ, aasumɔ ni akɛ Woloshɛɛ ni Sɛɛ Miifo wolo ni akɛmaje asafo lɛ atsu nii. Kɛ enɛ eko bɛ lɛ, no lɛ esa akɛ akɛ wiemɔ ni tsɔɔ akɛ esɛɛ miifo ni jeɔ kpo yɛ wolo tɛtrɛɛ lɛ mli lɛ loo nɔ ni akɛ hahe lɛ atsu nii. Enɛ baaye abua ni atsu woloshɛɛ ni sɛɛ miifo ni abaafee lɛ ekoŋŋ lɛ he nii amrɔ nɔŋŋ. Nyɛfainɛ nyɛbɔa mɔdɛŋ ni nyɛtsua wolo ni ashɛɔ ekoŋŋ lɛ he nii mra bɔ ni aaanyɛ, koni mɔ ni shɛɔ lɛ nine ashɛ eko fɛɛ eko nɔ.
◼ Yɛ be kuku gbɛgbamɔ krɛdɛɛ gbɛbimɔ woji lɛ agbɛfaŋ lɛ, kɛ shiɛmɔyaa mli hefatalɔ ni atsɔɔ akɛ akɛ lɛ baaya lɛ yɛ asafo kroko mli lɛ, nilee yɛ mli akɛ lɛ hu eeebi gbɛ kɛtsɔ esafoŋ onukpai lɛ anɔ koni nitsumɔhe nine lɛ anyɛ atsu gbɛbimɔ woji enyɔ lɛ fɛɛ he nii shikome. Kɛ hoo lɛ, esa akɛ gbɛbimɔ woji lɛ ashɛ Asafo lɛ ŋɔɔ nyɔji etɛ dani gbi ni akɛbaaje shishi lɛ ashɛ.
◼ Woji ni Nine Eshɛ nɔ Ekoŋŋ:
Nɔ Diɛŋtsɛ ni Kɛ Weku Miishɛɛ Baa—Blɔfo, Ewe, Ga, Twi
Mɛni Nyɔŋmɔ Taoɔ yɛ Wɔdɛŋ?—Ewe, Ga
Shihilɛ yɛ Toiŋjɔlɛ Jeŋ Hee ko Mli (Tract No. 15)—Twi
Mɛni Yehowa Odasefoi Heɔ Yeɔ? (Tract No. 14)—Twi