Adafitswai
◼ Woji ni akɛbaatsu nii yɛ January: Woji fɛɛ ni hiɛ baafai 192 ni afee dani 1985 shɛ ni ekolɛ asafo lɛ yɔɔ eko lɛ. Asafoi ni bɛ woji ni tamɔ nɛkɛ lɛ baanyɛ amɛkɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ atsu nii. February: Kpojiemɔ—Enaagbee Kwraa lɛ Ebɛŋkɛ! March: Nilee Ni Kɛ Mɔ Yaa Naanɔ Wala Mli. Agbala jwɛŋmɔ kɛya shia Biblia mli nikasemɔi ashishijee nɔ. April: Buu-Mɔɔ kɛ Awake! lɛ shɛɛ.
◼ Yɛ Sɔɔmɔ Kpee ni abaafee yɛ otsi ni jeɔ shishi kɛjɛɔ January 5 mli lɛ, abaaha shiɛlɔi fɛɛ ni abaptisi amɛ ni eba lɛ “Advance Medical Directive/Release” wolo lɛ kɛ “Identity Card” lɛ hu kɛha amɛbii.
◼ Maŋshiɛmɔ hee ni kpokpaa nɔkwɛlɔi lɛ baaha kɛjɛ March kɛyaa ji “Ani Okɛ Bɔ ni Nyɔŋmɔ Susuɔ Wala He lɛ Kpãa Gbee?”
◼ Asafoi lɛ ato gbɛjianɔ ni sa koni aye afi nɛɛ Kaimɔ lɛ yɛ Hɔɔ April 11, beni hulu enyɔ shi. Eyɛ mli akɛ ekolɛ wiemɔ lɛ baaje shishi mra moŋ, shi esaaa ni akɛ Kaimɔ lɛ he okadi nibii lɛ haa, ja hulu enyɔ shi dã. Eyɛ mli akɛ ehi akɛ asafo fɛɛ asafo aaaye lɛ diɛŋtsɛ e-Kaimɔ gbi jurɔ lɛ moŋ, shi ekolɛ enɛ nyɛŋ aba lɛ nakai daa. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha nakai gbɛkɛ lɛ. Esaaa akɛ ajeɔ Kaimɔ lɛ shishi yɛ gbɛkɛnaashi tɔ̃ɔ bɔ ni mɛi heei ni yɔɔ he miishɛɛ lɛ nyɛŋ aba. Ni esaaa akɛ gbɛjianɔtoo lɛ feɔ kpɛŋŋ akɛ anaaa be koni akɛŋa mɛi ni ba lɛ, koni akɛto gbɛjianɔ kɛha mɛi ni yɔɔ he miishɛɛ lɛ amumɔŋ yelikɛbuamɔ, loo koni akɛná hewalɛwoo sanegbai amli ŋɔɔmɔ. Yɛ be mli ni asusu nɔ fɛɛ nɔ he sɛɛ lɛ, esa akɛ onukpai lɛ akpɛ amɛyiŋ yɛ nɔ gbɛjianɔtoi ni baahi jogbaŋŋ kɛha mɛi ni baaba Kaimɔ lɛ koni amɛná nifeemɔ lɛ he sɛɛ kɛmɔ shi.
◼ Abaaha 1998 Kaimɔ be lɛ he maŋshiɛmɔ krɛdɛɛ lɛ yɛ Hɔgbaa, March 29. Akɛ wiemɔ he gbɛjianɔtoo wolo baaha. Asafoi ni kpokpaa nɔkwɛlɔ lɛ baasara amɛ loo amɛbaaya kpokpaa nɔ kpee ko yɛ nakai otsi lɛ naagbee mli lɛ baaha wiemɔ krɛdɛɛ lɛ yɛ otsi ni baanyiɛ sɛɛ lɛ mli. Asafo ko kwraa akaha wiemɔ krɛdɛɛ lɛ dani March 29, 1998 shɛ.
◼ Esa akɛ onukpai akuu lɛ ayɔse akɛ tsakemɔi ni nyiɛ sɛɛ nɛɛ he miihia kɛ́ asafo lɛ miiya kpeei: Kɛ ato gbi kome kpee krɛdɛɛ he gbɛjianɔ lɛ, esa akɛ asafo lɛ afee kpeei sɔrɔtoi lɛ fɛɛ ni afeɔ yɛ otsi lɛ mli lɛ, ja Maŋshiɛmɔ kɛ Buu-Mɔɔ Nikasemɔ ni abaafo mli. Kɛ ato kpokpaa nɔ kpeeiyaa he gbɛjianɔ lɛ, asafo lɛ baafo Teokrase Sɔɔmɔ Skul lɛ kɛ Sɔɔmɔ Kpee lɛ hu mli; Asafo Woloŋ Nikasemɔ lɛ pɛ ji nɔ ni abaafee yɛ nakai otsi lɛ mli.
◼ Otsi ni jeɔ shishi kɛjɛɔ May 4, 1998 aahu kɛyashi September 14, 1998 otsi lɛ mli lɛ, abaakase “Ha O-Maŋtsɛyeli lɛ Aba” wolo lɛ yɛ Asafo Woloŋ Nikasemɔ lɛ shishi. Ni kɛlɛ, asafoi ni wieɔ Blɔfo lɛ baakase, The Bible—God’s Word or Man’s? wolo lɛ.