Adafitswai

◼ Woji ni akɛbaatsu nii yɛ February: Kpojiemɔ—Enaagbee Kwraa lɛ Ebɛŋkɛ! March: Nilee Ni Kɛ Mɔ Yaa Naanɔ Wala Mli. Agbala jwɛŋmɔ kɛya shia Biblia mli nikasemɔi ashishijee nɔ. April kɛ May: Buu-Mɔɔ kɛ Awake! lɛ shɛɛ.

◼ Esa akɛ woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ daa gbɛgbalɔi fɛɛ anitsumɔ mli. Kɛji akɛ amɛteŋ mɔ ko kɛ naagba miikpe yɛ ŋmɛlɛtswaa ni ataoɔ lɛ namɔ mli lɛ, esa akɛ onukpai lɛ ato gbɛjianɔ koni amɛye amɛbua. Nyɛkwɛa Asafo lɛ wolo ni eŋma nyɛ lɛ (S-201) yɛ October 1, 1993, kɛ November 2, 1992 lɛ mli kɛha ŋaawoi. Nyɛkwɛa nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ mli lɛ baafa 12-20 lɛ hu mli.

◼ Kɛjɛ May 4, 1998 kɛyashi September 14, 1998 lɛ, abaakase “Ha o-Maŋtsɛyeli lɛ Aba” wolo lɛ yɛ Asafo Woloŋ Nikasemɔ lɛ shishi. Shi, asafoi ni wieɔ Blɔfo lɛ baakase The Bible—God’s Word or Man’s? wolo lɛ.

◼ Esa akɛ shiɛlɔi ni miisumɔ koni amɛsɔmɔ akɛ gbɛgbalɔi awalɔi yɛ March, April kɛ May mli lɛ ato gbɛjianɔ bianɛ koni amɛkɛ amɛgbɛbimɔ wolo lɛ aha mra. Enɛ baaye abua ­onukpai lɛ koni amɛto shiɛmɔyaa he gbɛjianɔi ni he hiaa, ni amɛná woji tɛtrɛbii kɛ woji ni fa bɔ ni sa. Esa akɛ atsɛ gbɔmɛi fɛɛ ni akpɛlɛɔ amɛnɔ akɛ gbɛgbalɔi awalɔ lɛ agbɛi atsɔɔ asafo lɛ.

◼ Shiɛlɔi akui ni eto gbɛjianɔ koni amɛkɛ amɛhe awo shikpɔŋkuku ni akɛhako mɔ ko nitsumɔ mli yɛ nyɔji ni baa lɛ mli lɛ ato gbɛjianɔ koni amɛkɛ Taoɔ wolo bibioo lɛ loo Nilee wolo lɛ aha yɛ amɛshiɛmɔ nitsumɔ lɛ mli. Abaanyɛ akɛ woji memeji krokomɛi hu atsu nii.

◼ Betel tsuŋ nii Sohaa, March 6, 1998. Atsuŋ nɔ ko nakai gbi lɛ, no hewɔ lɛ nyɛfainɛ, nyɛkatswaa tɛlifoŋ loo ni nyɛaato shisharamɔ ko he gbɛjianɔ.

[Akrabatsa ni yɔɔ baafa 7]

Drama Kasɛt Hee Wɔna kasɛt ni ji klɛŋklɛŋ kwraa yɛ wɔmaŋ nɛɛ mli ni yitso ji Wala Yibaamɔ yɛ Hɔmɔ Be Mli yɛ wɔ wiemɔi nɛɛ amli—Ewe, Ga, kɛ Twi. Asafoi baanyɛ ashɛ. Akɛni enɛ ji nibii ni ashɛɛɛ ashwieee shi hewɔ lɛ, nyɛfainɛ nyɛshɛa kɛhaa aŋkroaŋkroi ni ebi ni aha amɛ eko lɛ pɛ.