Kaimɔ lɛ He Kaimɔi

Abaaye Kaimɔ lɛ he gbijurɔ lɛ Hɔɔ, April 11. Esa akɛ onukpai lɛ asusu saji ni nyiɛ sɛɛ nɛɛ ahe jogbaŋŋ:

◼ Kɛ́ nyɛmiito be lɛ he gbɛjianɔ kɛha kpee lɛ, nyɛkwɛa koni akɛ okadi nibii lɛ akaha mɛi lɛ, ja hulu enyɔ shi dã.

◼ Esa akɛ aha mɔ fɛɛ mɔ, ni wielɔ lɛ fata he lɛ ale be pɔtɛɛ kɛ he ni abaaye yɛ.

◼ Esa akɛ aná aboloo pɔtɛɛ kɛ wein pɔtɛɛ lɛ ni aha efee klalo.​—⁠Kwɛmɔ Feb­ruary 15, 1985, Watchtower, baafa 19.

◼ Akɛ plɛtei, glasei kɛ okpɔlɔ kɛ enɔhaanɔ kpakpa aba asa lɛ nɔ ni akɛma shi yɛ he ko ni sa kɛtsɔ hiɛ.

◼ Esa akɛ asaa Maŋtsɛyeli Asa loo he kroko ni abaakpe yɛ lɛ fɛɛ fɛfɛo kɛtsɔ hiɛ kwraa dã.

◼ Esa akɛ ahala mɛi ni baakwɛ shitaramɔ nɔ kɛ mɛi ni kɛ okadi nibii lɛ baaha lɛ kɛtsɔ hiɛ, ni atsɔɔ amɛ gbɛ ni sa ni amɛaatsɔ nɔ amɛtsu amɛnii lɛ, ni atsɔɔ amɛ nɔ ni amɛbaatsu.

◼ Esa akɛ ato gbɛjianɔ koni akɛ okadi nibii lɛ eko ayaha mɔ fɛɛ mɔ ni afɔ lɛ mu ni bɛ gbɔmɔtsoŋ hewalɛ ni enyɛɛɛ eba kpee lɛ.

◼ Kɛ ato gbɛjianɔ koni nɔ ni fe asafo kome afee yɛ Maŋtsɛyeli Asa kome lɛ nɔŋŋ mli lɛ, no lɛ esa akɛ ekomefeemɔ kpakpa akã asafoi lɛ fɛɛ ateŋ bɔni afee ni akafa tsɔ yɛ he ni atsɔɔ kɛhoɔ, he ni atsɔɔ kɛbaa jɛmɛ, nyiɛmɔhei, kɛ he ni akɛ tsɔnei mamɔɔ lɛ.