Adafitswai
◼ Woji ni akɛbaatsu nii yɛ September: Nilee Ni Kɛ Mɔ Yaa Naanɔ Wala Mli. October: Buu-Mɔɔ kɛ Awake! lɛ shɛɛ. November: Nilee Ni Kɛ Mɔ Yaa Naanɔ Wala Mli. December: Nilee Ni Kɛ Mɔ Yaa Naanɔ Wala Mli, kɛ New World Translation lɛ.
◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ September 1 loo no sɛɛ nɔŋŋ. Atswa asafo lɛ adafi kɛ́ afee enɛ lɛ.
◼ Aakai onukpai lɛ ni amɛnyiɛ gbɛtsɔɔmɔi ni akɛha yɛ April 15, 1991 Buu-Mɔɔ (Vol. 112, No. 8GA) lɛ baafai 21-23 lɛ ni kɔɔ mɛi fɛɛ ni ashwie amɛ kɛjɛ asafo lɛ mli, loo mɛi ni akɛ amɛ ekpa bɔɔ lɛ ni amɛaasumɔ akɛ ahe amɛ ekoŋŋ lɛ ahe lɛ sɛɛ.
◼ Esa akɛ mɛi ni kɛ asafo ko bɔɔ lɛ, kɛ Buu-Mɔɔ kɛ Awake! woji tɛtrɛbii ni ashɛɔ lɛ ehee kɛ nɔ ni abaashɛ ekoŋŋ lɛ he woji ni akɛshɛɔ lɛ fɛɛ, ni amɛ diɛŋtsɛ amɛnɔ ni amɛshɛɔ lɛ fata he lɛ amaje kɛtsɔ asafo lɛ nɔ.
◼ Asafo lɛ ŋmalaaa shiɛlɔi aŋkroaŋkroi awolo ni atsɔɔ nɔ akɛshɛɔ woji lɛ anɔ nii. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje Asafo lɛ, bɔni afee ni mɛi fɛɛ ni sumɔɔ akɛ amɛshɛ woji komɛi lɛ akɛɛ nyɛmi nuu ni kwɛɔ woji anɔ lɛ. Nyɛfainɛ, nyɛhaa woji ni ashɛɛɛ ashwieee shi lɛ ahia nyɛ jwɛŋmɔ mli.
◼ Asafoi fɛɛ akadi: Dani aaatsu woji (tamɔ wolo kome ni afee lɛ enyɔ ni aŋmalaa fɛɛ nɔ nii nɛkɛ, kɛ ekrokomɛi ni tamɔ nakai.) ni kɔɔ Maŋtsɛyeli Asa lɛ he nii agbe naa kwraa lɛ, esa akɛ akɛ wolo ni aŋmala nɔ nii lɛ eko amaje nitsumɔhe nine lɛ. Nyɛfainɛ, nyɛkadia akɛ, esa akɛ afee enɛ dani akɛ waonaa gbɛi awo wolo lɛ shishi.