Adafitswai

◼ Woji ni akɛbaatsu nii yɛ January: Woji fɛɛ ni hiɛ baafai 192 ni afee dani afi 1985 shɛ ni ekolɛ asafo lɛ yɔɔ eko lɛ. Asafoi ni bɛ woji ni tamɔ nakai lɛ, baanyɛ amɛkɛ True Peace and Security—How Can You Find It? loo Obaanyɛ Ohi Shi Kɛya Naanɔ yɛ Paradeiso yɛ Shikpɛɔŋ Nɔ lɛ atsu nii. February: Nɔ Diɛŋtsɛ ni Kɛ Weku Miishɛɛ Baa. March: Nilee ni Kɛ Mɔ Yaa Naanɔ Wala Mli. Abaabɔ mɔdɛŋ waa koni aje shia Biblia mli nikasemɔi ashishi. April: Buu-Mɔɔ lɛ kɛ Awake! woji tɛtrɛbii lɛ ashɛɛ. Aná Taoɔ wolo bibioo lɛ eko ni abɔ mɔdɛŋ ni aje shia Biblia mli nikasemɔi ashishi.

◼ Abaaha shiɛlɔi ni abaptisi amɛ fɛɛ ni baaba Sɔɔmɔ Kpee lɛ shishi yɛ otsi ni jeɔ shishi January 4 lɛ “Advance Medical Directive/ Release” wolo kɛ “Identity Card” kɛha amɛbii bibii lɛ.

◼ Kɛjɛ March kɛyaa lɛ, maŋshiɛmɔ wiemɔ hee ni kpokpaa nɔkwɛlɔi baaha lɛ ji, “Te Nyɔŋmɔ Yɔɔ Diɛŋtsɛ Tɛŋŋ Kɛha Bo?”

◼ Esa akɛ asafoi ato gbɛjianɔ koni amɛye afi nɛɛ Kaimɔ lɛ Soo, Aprl 1, beni hulu enyɔ shi. Eyɛ mli akɛ abaanyɛ aje wiemɔ lɛ shishi mra moŋ, shi esaaa akɛ ajeɔ shishi akɛ Kaimɔ lɛ he okadi nibii lɛ haa, ja hulushinyɔɔ sɛɛ. Yɛ hei ni asafoi pii yaa kpeei yɛ yɛ Maŋtsɛyeli Asa kome too lɛ nɔŋŋ mli lɛ, ekolɛ asafo kome aloo asafoi babaoo baanyɛ atao he kroko kɛha nakai gbi gbɛkɛ lɛ. Yɛ hei ni baahi lɛ, wɔmiiwo ŋaa koni akɛ minitii 30 atsu gbɛjianɔtoo lɛ he nii, bɔni afee ni anyɛ aŋa sralɔi lɛ, ni awo mɛi heei ni yɔɔ wiemɔ lɛ he miishɛɛ lɛ hewalɛ koni amɛná nifeemɔ lɛ he sɛɛ kɛmɔ shi. Yɛ he ni ehe baahia lɛ, esa akɛ asusu tsɔnei agbɛtsii kɛ tsɔnei ashimaamɔhei anaagbai, kɛ hei ni mɛi yiɔ shi yɛ tsɔnei amli kɛ hei ni amɛkwɔɔ yɛ lɛ he. Esa akɛ onukpai akuu lɛ asusu gbɛjianɔtoi ni baahi eha amɛ yɛ he ni amɛyɔɔ lɛ he.

◼ Abaaha afi 1999 Kiamɔ be lɛ he maŋshiɛmɔ krɛdɛɛ lɛ Hɔgbaa, April 18. Wiemɔ lɛ yitso ji, “Anɔkwa Naanyo ni Akɛ Nyɔŋmɔ kɛ Naanyo Gbɔmɔ Feɔ.” Akɛ wiemɔ he wolo baaha. Asafoi ni kpokpaa nɔkwɛlɔ lɛ baasara amɛ loo amɛbaaya kpokpaa nɔ kpee yɛ nakai otsi lɛ naagbee lɛ baaha amɛwiemɔ lɛ yɛ otsi ni baanyiɛ sɛɛ lɛ mli. Asafo ko kwraa akaha wiemɔ krɛdɛɛ lɛ dani April 18, 1999 shɛ.