Teokrase Sɔɔmɔ Skul Niŋmaa Kaa
Wolo-naa-ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ January 4 kɛyashi April 19, 1999. Okɛ wolo kroko atsu nii ni okɛŋmala hetooi abɔ ni ooonyɛ lɛ yɛ be ni ato lɛ mli.
[Kadimɔ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale loo Amale:
1. Yehowa kɛ enaabu tsɛɛɛ wiemɔ fɛɛ wiemɔ ni aŋma yɛ Biblia lɛ mli lɛ. (2 Tim. 3:16) [w97-GA 6/15 bf. 5 kk. 3]
2. Gbeekpamɔ ní aaaba weku lɛ mli kɛ gbekɛbii lɛ amumɔŋ hiɛyaa fɛɛ damɔ fɔlɔi lɛ anɔ titri. (Abɛi 22:6) [fy-GA bf. 85 kk. 19]
3. Akɛni esha “bu shinaa lɛ shi” hewɔ lɛ, gbɛ ko bɛ ni Kain baanyɛ atsɔ nɔ ni etsi ehe kɛjɛ esha ni hiɛdɔɔ yɔɔ mli ni eeefee lɛ he. (1 Mose 4:7) [Daa otsi Biblia kanemɔ; kwɛmɔ w94-GA 6/15 bf. 14 kk. 11.]
4. Yɛ be mli ni gbekɛ ni eye afii nyɔŋma kɛ etɛ kɛyaa lɛ daa lɛ, esa akɛ aha lɛ hegbɛ bɔ ni sa ni ekɛhala ehiɛtserɛjiemɔ. [fy-GA bf. 73 kk. 20]
5. Bɔ ni wɔsumɔɔ ni wɔsa wɔ-Bɔlɔ lɛ hiɛ lɛ tsirɛɔ wɔ koni wɔwie anɔkwale be fɛɛ be. (Abɛi 6:17) [g97 2/22 bf. 19 kk. 4]
6. Bɔni afee ni ‘wɔdaaŋ wiemɔi kɛ wɔtsui mli jwɛŋmɔi asa Yehowa’ hiɛ yɛ sɔlemɔ mli lɛ, esa akɛ wɔbɔ mɔdɛŋ koni wɔha wɔnaa atse bɔ ni wɔɔnyɛ. (Lala 19:15) [w97-GA 7/1 bf. 29 kk. 4-5]
7. Yehowa kitai, akpɔi, kɛ mlai ni atsĩ tã yɛ 1 Mose 26:5 lɛ kɔɔ Mla kpaŋmɔ lɛ he. [Daa otsi Biblia kanemɔ; kwɛmɔ w92-GA 7/1 bf. 10 kk. 8.]
8. Beni Yesu wie akɛ “ohemɔkɛyeli etsao” taakɛ aŋma yɛ Luka 8:48 lɛ, eetsɔɔ akɛ, ehe miihia ni yoo helatsɛ lɛ atsɔɔ akɛ eheɔ eyeɔ akɛ lɛ ji Mesia lɛ, dani ehe awa lɛ. [w97-GA 7/1 bf. 4 kk. 2-4]
9. Mose Klɛŋklɛŋ Wolo 11:1 lɛ ji Biblia mli ŋmalɛi babaoo ni kɛ wiemɔ “shikpɔŋ” tsu nii kɛkɔ adesai fɛɛ ahe, aloo adesai akuu ko he lɛ ateŋ ekome. [g97 1/8 bf. 27 kk. 3]
10. Kɛji okadi ko bɛ ni tsɔɔ akɛ Dina leee he nɔ ko po lɛ, fɛɛ sɛɛ lɛ, etere sɔ̃ yɛ oblayoo fro ni eji ni efite lɛ hewɔ. (1 Mose 34:1, 2) [Daa otsi Biblia kanemɔ; kwɛmɔ w85 6/15 bf. 31 kk. 4.]
Ha sanebimɔi ni nyiɛ sɛɛ nɛɛ ahetoo:
11. Mɛni Satan tsɔɔ yɛ jwɛŋmɔ ni ekɛha yɛ 1 Mose 3:1-5 lɛ mli lɛ? [Daa otsi Biblia kanemɔ; kwɛmɔ w95-GA 7/15 bf. 5 kk. 1.]
12. Mɛni “tsi ni naa ba” ni jɛɔ Yesu daaŋ ni yɔɔ Kpojiemɔ 19:15 damɔ shi kɛha? [Daa otsi Biblia kanemɔ; kwɛmɔ w90 5/15 bf. 4 kk. 4.]
13. Mɛni maa anɔkwale ni eji akɛ Mose kɛ bei pɔtɛɛ ni Noa Nu Afua lɛ ba lɛ ha lɛ nɔ mi? [g97 2/8 bf. 26 kk. 4]
14. Abraham ‘tsɛ Yehowa gbɛi’ lɛ yɛ mɛɛ gbɛ nɔ? (1 Mose 12:8) [Daa otsi Biblia kanemɔ; kwɛmɔ w89-GA 7/1 bf. 20 kk. 9.]
15. Mɛni Yehowa tsɔɔ beni ekɛɛ Paulo akɛ: “Miduromɔ lɛ fa hao” lɛ yɛ nakai sane lɛ mli lɛ? (2 Kor. 12:9) [w97-GA 6/1 bf. 25 kk. 3]
16. Mɛni eka shi faŋŋ akɛ no tsirɛ Lot ŋa lɛ ni ekwɛ esɛɛ, ní ha etsɔ ŋoo kpɔ lɛ? (1 Mose 19:26) [Daa otsi Biblia kanemɔ; kwɛmɔ w90-GA 4/15 bf. 18 kk. 10]
17. Te Kristofoi buɔ juu nibii ni aheɔ lɛ amɛhaa tɛŋŋ? (2 Mose 22:1; Yer. 17:11) [Daa otsi Biblia kanemɔ; kwɛmɔ w92-GA 6/15 bf. 30 kk. 3; bf. 31 kk. 1, 7.]
18. Taakɛ 1 Mose 33:18 tsɔɔ lɛ, Yakob tsɔɔ akɛ, esumɔɔɔ ni ekɛ Kanaanbii bɔɔ yɛ mɛɛ gbɛ nɔ? [Daa otsi Biblia kanemɔ; kwɛmɔ w95-GA 9/15 bf. 21 kk. 4.]
19. Yosef nifeemɔi ni atsɔɔ mli yɛ 1 Mose 37:13 tamɔ Yesu nifeemɔi pɛpɛɛpɛ yɛ mɛɛ gbɛ nɔ? [Daa otsi Biblia kanemɔ; kwɛmɔ w87-GA 8/1 bf. 10 kk. 12.]
20. Mɛni ji srɔtofeemɔ ni yɔɔ Nyɔŋmɔ kɛ gbɔmɛi ateŋ kɛ aawie mlifu he? [g97 6/8 bf. 19 kk. 2-3]
Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:
21. Mɛi krokomɛi anifeemɔi ahe jwɛŋmɔ ․․․․․․․․ ni wɔɔná ni ․․․․․․․․ ko bɛ he lɛ, tamɔ nɔ ni wɔmiikojo amɛ pɛpɛɛpɛ. [w97-GA 5/15 bf. 26 kk. 5]
22. Anaa ja ni Mose Klɛŋklɛŋ Wolo lɛ ja ha lɛ yɛ bɔ ni emli wiemɔi lɛ kɛ ․․․․․․․․ lɛ, kɛ agbɛnɛ hu ․․․․․․․․ diɛŋtsɛ ni kã ekɛ Ŋmalɛi krokomɛi lɛ ateŋ lɛ amli. [si bf. 14 kk. 8]
23. Rehoboam kɛ Eli nɔkwɛmɔnii lɛ baanyɛ aye abua wɔ koni wɔna nɔ ni jɛɔ ․․․․․․․․ ni afeɔ fe nine kɛ ․․․․․․․․ lɛ mli baa. [fy-GA bf. 80-81 kk. 9-13]
24. ․․․․․․․․ ni aaaná lɛ ji nifeemɔ gbɛ ni he hiaa ni atsɔɔ nɔ anáa ․․․․․․․․ kpakpa. [w97-GA 8/1 bf. 4 kk. 5]
25. Efɔŋfeemɔ he amaniɛ ni aaabɔ lɛ ji Kristofoi ashishitoo mla ni tsɔɔ suɔmɔ ni ayɔɔ kɛha ․․․․․․․․, kɛha ․․․․․․․․ lɛ, kɛ kɛha ․․․․․․․․ lɛ. [w97-GA 8/15 bf. 30 kk. 2]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Tsɔsemɔ ni yɔɔ (kpɛŋŋ; blɛo; bɔ ni sa) ji odaseyeli ni tsɔɔ suɔmɔ ni fɔlɔ yɔɔ kɛha ebi. (Heb. 12:6, 11) [fy-GA bf. 72 kk. 18]
27. Mose Klɛŋklɛŋ Wolo 7:6, 11 tsɔɔ afi (2970; 2370; 2020) D.Ŋ.B. akɛ eji ‘be ní nu afua lɛ ba shikpɔŋ lɛ nɔ.’ [Daa otsi Biblia kanemɔ; kwɛmɔ si bf. 294 akrabatsa lɛ.]
28. Heyeli kɛmiijɛ (Roma nɔyeli; mumɔi fɔji; esha kɛ gbele) shishi ji nɔ ni yɔɔ Yesu jwɛŋmɔ mli beni ewieɔ yɛ Yohane 8:32 lɛ. [w97-GA 2/1 bf. 5 kk. 1]
29. Yɛ 1 Mose 22:18 lɛ mlibaa yɛ naagbee kwraa lɛ, seshi lɛ bafee (Isak; Israelbii lɛ; Yesu kɛ mɛi 144,000). [Daa otsi Biblia kanemɔ; kwɛmɔ w98-GA 2/1 bf. 14 kk. 8.]
30. (Mose Mla lɛ toiboo; na ni enaa Nyɔŋmɔ kɛ gbeyeishemɔ kpakpa akɛ eeefee nɔ ko ni esaaa ehiɛ; toigbalamɔ he gbeyeishemɔ) ji nɔ ni ye ebua Yosef ni etsi ehe kɛjɛ jeŋba gbonyo he kaa lɛ he yɛ omanyeyeli mli lɛ. (1 Mose 39:9) [Daa otsi Biblia kanemɔ; kwɛmɔ w81 2/15 bf. 7 kk. 2.]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpãa gbee:
Abɛi 5:3, 4; 15:22; 20:11; Efe. 5:19; 2 Tim. 3:16
31. Ehe miihia ni fɔlɔi akwɛ koni amɛbii lɛ kɛ amɛtsui fɛɛ ahe bɔ ni ehe hiaa ni ahi shi yɛ jeŋba hetsemɔ mli lɛ aye. [fy-GA bf. 67 kk. 8]
32. Teemɔŋ sanegbaa ni baakã fɔlɔi kɛ amɛbii ni eye kɛjɛ afii nyɔŋma kɛ etɛ kɛyaa lɛ ateŋ lɛ he hiaa bɔni afee ni sanegbaa tsakpãa ni yɔɔ lɛ ahi shi. [fy-GA bf. 65 kk. 4]
33. Nɔ̃ diɛŋtsɛ ni haa ayaa hiɛ yɛ lala ni alaa yɛ asafoŋ kpeei ashishi lɛ ji ni aaaná he tsui kpakpa. [w97-GA 2/1 bf. 27 kk. 3]
34. Nyɔŋmɔ Wiemɔ lɛ, ni ji Biblia lɛ tsɔɔmɔi lɛ ahe shishinumɔ ni aaaná lɛ ji taomɔ nii kɛha yiwalaheremɔ. [w97-GA 8/15 bf. 6 kk. 5]
35. Bɔni afee ni wɔtsi wɔhe kɛjɛ jeŋba shara he kaa lɛ he lɛ, esa akɛ wɔyɔse akɛ ejaaa, ni ákɛ nɔ ni jɛɔ mli baa lɛ yɛ oshara ni ehiii kwraa. [fy-GA bf. 93 kk. 9]