Adafitswai

◼ Wolo ni akɛbaatsu nii yɛ March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje shia Biblia mli nikasemɔi ashishi. April kɛ May: Buu-Mɔɔ kɛ Awake! lɛ kɛhamɔ. Hiɛmɔ Taoɔ wolo bibioo lɛ kɛha mɛi ni yɔɔ wiemɔ lɛ he miishɛɛ, ni obɔ mɔdɛŋ ni oje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? Gbalamɔ jwɛŋmɔ kɛya shia Biblia mli nikasemɔi ashishijee nɔ.

◼ Shiɛlɔi ni miisumɔ koni amɛsɔmɔ akɛ gbɛgbalɔi awalɔi yɛ April kɛ May mli lɛ ato gbɛjianɔ amrɔ nɛɛ ni amɛkɛ amɛ gbɛbimɔ wolo lɛ aha mra. Enɛ baaye abua onukpai lɛ koni amɛto gbɛjianɔ ni he hiaa lɛ kɛha shiɛmɔyaa ni aná woji tɛtrɛbii kɛ woji krokomɛi ni fa saŋŋ. Esa akɛ atsɛ́ mɛi fɛɛ ni akpɛlɛɔ amɛnɔ akɛ gbɛgbalɔi lɛ agbɛi atsɔɔ asafo lɛ daa nyɔŋ nɔ.

◼ Nikasemɔ he gbɛjianɔtoo kɛha wolo ni ji Bó Daniel Gbalɛ lɛ Toi! lɛ yɛ Wɔ Maŋtsɛyeli Sɔɔmɔ nɛɛ mli. Ekolɛ obaasumɔ ni ofee efotokɔpi ni okɛwo owolo lɛ mli koni okwɛ mli kɛ́ ootao.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ March 1 loo no sɛɛ nɔŋŋ. Kɛ afee enɛ momo lɛ, no lɛ esa akɛ atswa asafo lɛ enɛ he adafi kɛ́ akane shika he akɔntaabuu ni baanyiɛ sɛɛ lɛ agbe naa lɛ.

◼ Abaaye Kaimɔ lɛ yɛ Shɔ, April 19, 2000. Kɛ Shɔ ji gbi ni nyɛ asafo lɛ feɔ kpeei lɛ, no lɛ esa akɛ atsake kpeei nɛɛ kɛya otsi lɛ mli gbi kroko nɔ, beni Maŋtsɛyeli Asa lɛ kã shi efolo. Kɛ enɛ ehiii feemɔ ni esa nyɛ Sɔɔmɔ Kpee lɛ he lɛ, no lɛ abaanyɛ akɛ efãi ni kɔɔ nyɛ asafo lɛ he titri lɛ awo Sɔɔmɔ Kpee kroko mli.

◼ Asafo lɛ ŋmalaaa woji anɔ nii ekɛshɛɛɛ nibii ehaaa shiɛlɔi aŋkroaŋkroi. Esa akɛ onukpai asɛinɔtalɔ lɛ ato gbɛjianɔ koni atswa adafi daa nyɔŋ bɔni afee ni mɛi fɛɛ ni miisumɔ koni amɛná amɛ diɛŋtsɛ amɛ woji lɛ aha nyɛmi nuu ni kwɛɔ woji anɔ lɛ ale, dani akɛ asafo daa nyɔŋ nibii ashɛɛ he wolo lɛ amaje Asafo lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.