Adafitswai

◼ Woji ni akɛbaaha yɛ November: Maŋtsɛyeli Sanekpakpa No. 36 lɛ jaa baaya nɔ. Asafoi ni baagbe amɛshikpɔŋkuku lɛ mli nitsumɔ naa yɛ Maŋtsɛyeli Sanekpakpa No. 36 lɛ ni amɛkɛhaa shiabii yɛ shihilɛhe fɛɛ shihilɛhe lɛ baanyɛ ni amɛkɛ Taoɔ wolo bibioo lɛ loo Nilee wolo lɛ aha. Kɛ mɛi yɛ enɛɛmɛi momo lɛ, abaanyɛ akɛ Hii Shi Daa wolo lɛ loo Creation wolo lɛ atsu nii. December: Nilee Ni Kɛ Mɔ Yaa Naanɔ Wala Mli kɛ New World Translation lɛ. January: Woji fɛɛ ni efee emomo ni hiɛ baafai 192 ni afee dani afi 1986 shɛ ni ekolɛ asafo lɛ yɔɔ eko lɛ. Asafoi ni yɔɔ Nyɔŋmɔ Sɛɛ Gbɛ ni Adesai Taoɔ lɛ hu baanyɛ amɛkɛha. February: Life—How Did It Get Here? By Evolution or by Creation?, Kpojiemɔ—Enaagbee Kwraa lɛ Ebɛŋkɛ!, loo wolo fɛɛ wolo ni hiɛ baafai 192 ni asafo lɛ yɔɔ eko.

◼ Kɛ agbe Maŋtsɛyeli Sanekpakpa lɛ tafaa lɛ naa lɛ, asafoi ni yɔɔ Maŋtsɛyeli Sanekpakpa No. 36 lɛ eko lolo lɛ baanyɛ awo shiɛlɔi hewalɛ koni amɛkɛ enɛɛmɛi aha taakɛ amɛkɛ dɛhiɛmɔ woji lɛ haa lɛ nɔŋŋ—yɛ shia kɛ shia kɛ he kroko hu. Kɛ ebaahi lɛ, shiɛlɔi baanyɛ ashĩ ekome yɛ mɔ fɛɛ mɔ ni bɛ shia lɛ shinaa naa, ní ená nɔmimaa akɛ mɛi ni hoɔ lɛ enaŋ. Esa akɛ abɔ mɔdɛŋ koni aja woji fɛɛ ni baashwɛ ni shɛɛ sane ni he hiaa nɛɛ yɔɔ mli lɛ.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ December 1 loo no sɛɛ nɔŋŋ. Esa akɛ atswa asafo lɛ adafi beni akane shika he akɔntaabuu ni baanyiɛ sɛɛ lɛ atsɔɔ, kɛ́ afee enɛ momo.

◼ Esa akɛ asafoi lɛ kɛ amɛ November wolo ni akɛshɛɔ nibii lɛ abɔi 2001 Yearbook of Jehovah’s Witnesses lɛ shɛɛ. Abaaná Yearbook lɛ yɛ Blɔfo mli. Ebaaje kpo yɛ asafo lɛ woji ni akwɛɔ nɔ akɛ nibii majeɔ lɛ nɔ akɛ “Pending” (Aato he gbɛjianɔ) kɛyashi beni nine baashɛ Yearbook lɛ nɔ ni akɛbaamaje. Yearbook srɔtoi lɛ ji woji krɛdɛɛi ni ja ashɛ dani akɛmajeɔ.

◼ Kɛjɛ February 5, 2001 otsi lɛ nɔ kɛyaa lɛ, maŋ nɛɛŋ wiemɔi asafoi fɛɛ baakase Nɔ Diɛŋtsɛ ni Kɛ Weku Miishɛɛ Baa lɛ yɛ Asafo Woloŋ Nikasemɔ lɛ shishi. Asafoi baanyɛ amɛkɛ nyɔŋ ni baanyiɛ sɛɛ lɛ woji ni akɛshɛɔ nibii lɛ ashɛ woji nɛɛ eko.

◼ Akɛ mɛi ni sumɔɔ akɛ amɛaasɔmɔ yɛ Betel lɛ baakpe yɛ “Nyɔŋmɔ Wiemɔ lɛ Nɔyelɔi” Kpokpaa Wulu nɔ Kpeei lɛ fɛɛ shishi kɛjɛ November naagbee gbɛ kɛyashi January. Kwɛmɔ koni oya kpee nɛɛ eko kɛ́ oyɛ he miishɛɛ ni oji oshijafonyo loo mɔ ni ebote gbalashihilɛ mli ni bɛ bi ko kwraa ni okwɛɔ lɛ lɛ.

◼ Asafoi kɛ shiɛlɔi aŋkroaŋkroi akadi enɛ: Esa akɛ aŋmala woji fɛɛ ni aŋmaa kɛyaha Asafo lɛ akɛ nɔ ni akɛmiimaje Watch Tower Society, P. O. Box GP 760, Accra. Nyɛkaŋmaa wolo kotoku ko kwraa nɔ akɛ akɛmiimaje Branch Committee (Nitsumɔhe Nine Ajinafoi Akuu) lɛ loo nitsumɔhe nine lɛ nɔkwɛlɔ lɛ. Nɔ ni enɛ kɛbaa pɛ kɛkɛ ji akɛ ehaa etsɛɔ dani atsuɔ nyɛ nibimɔi lɛ ahe nii.