Adafitswai

◼ Woji ni akɛbaaha yɛ January: Woji fɛɛ ni hiɛ baafai 192 ni afee yɛ afi 1986 loo dani nakai afi lɛ shɛ ni ekolɛ asafo lɛ yɔɔ eko lɛ. Asafoi ni yɔɔ Nyɔŋmɔ Sɛɛ Gbɛ ni Adesai Taoɔ lɛ hu baanyɛ amɛkɛha. February: Life—How Did It Get Here? By Evolution or by Creation?, Kpojiemɔ—Enaagbee Kwraa lɛ Ebɛŋkɛ!, loo woji memeji fɛɛ ni hiɛ baafai 192 ni asafo lɛ yɔɔ eko. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje shia Biblia mli nikasemɔi ashishi. April: Buu-Mɔɔ kɛ Awake! woji tɛtrɛbii lɛ. Hei ni abaajie miishɛɛ kpo yɛ, yɛ sɛɛsaramɔi amli lɛ, abaanyɛ aha ashɛ woji tɛtrɛbii lɛ. Okɛ Nilee wolo lɛ loo Taoɔ wolo bibioo lɛ aha kɛ yiŋtoo akɛ oooje shia Biblia mli nikasemɔi ashishi.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ji “Kojomɔ Gbi—Be Kɛha Gbeyeishemɔ loo Hiɛnɔkamɔ?”

◼ Esa akɛ asafoi ato gbɛjianɔ ni sa koni aye afi nɛɛ Kaimɔ lɛ yɛ Hɔgbaa, April 8, beni hulu enyɔ shi. Eyɛ mli akɛ abaanyɛ aje wiemɔ lɛ shishi mra moŋ, shi esaaa ni akɛ okadi nibii lɛ haa, ja hulu enyɔ shi dã. Akɛni afeŋ kpee ko kwraa yɛ nakai gbi lɛ nɔ ja kpeei kɛha shiɛmɔyaa hewɔ lɛ, esa akɛ afee tsakemɔi ni sa kɛha Buu-Mɔɔ Nikasemɔ lɛ yɛ be kroko mli. Ehe baahia ni kpokpaa nɔkwɛlɔi atsake amɛ gbɛjianɔtoo kɛha kpeeiyaa kɛha otsi lɛ yɛ jɛmɛ shihilɛ lɛ naa. Eyɛ mli akɛ ehi akɛ asafo fɛɛ asafo aaaye amɛ diɛŋtsɛ amɛ Kaimɔ gbi jurɔ lɛ moŋ, shi ekolɛ enɛ nyɛŋ aba lɛ nakai daa. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha nakai gbɛkɛ lɛ. Yɛ hei ni nakai feemɔ baahi lɛ, wɔmiiwo ŋaa koni kɛ́ hoo lɛ aha minitii 30 aho dani gbɛjianɔtoo kɛha kpee kroko lɛ aje shishi, koni mɛi fɛɛ anyɛ aná nifeemɔ lɛ he sɛɛ kɛmɔ shi, bɔni afee ni aná be ni aŋa saralɔi lɛ, ni awo mɛi heei ni yɔɔ wiemɔ lɛ he miishɛɛ lɛ hewalɛ. Esa akɛ asusu tsɔnei agbɛtsĩi kɛ tsɔnei ashimaamɔhei ahe naagbai ahe, kɛ hei ni mɛi yiɔ shi yɛ tsɔnei amli kɛ hei ni amɛkwɔɔ yɛ lɛ he. Esa akɛ onukpai akuu lɛ asusu gbɛjianɔtoi ni baahi jogbaŋŋ kɛha amɛ yɛ he ni amɛyɔɔ lɛ he.

◼ Abaaha afi 2001 Kaimɔ be lɛ he maŋshiɛmɔ krɛdɛɛ lɛ yɛ Hɔgbaa, April 1. Wiemɔ lɛ yitso ji “Namɔ Abaanyɛ Ahere Eyiwala?” Akɛ wiemɔ lɛ he wolo baaha. Asafoi ni kpokpaa nɔkwɛlɔ lɛ baasara amɛ loo amɛbaaya kpokpaa nɔ kpee yɛ nakai otsi lɛ naagbee lɛ baaha wiemɔ krɛdɛɛ lɛ yɛ April 9 otsi lɛ mli. Asafo ko kwraa akaha wiemɔ krɛdɛɛ lɛ beni April 1, 2001 shɛko.

◼ Vidio Kasɛt Hee ni Nine Eshɛ Nɔ:

Beni Mɔ Ko ni Osumɔɔ Lɛ Egbo (Kɛha mumuii)—Amerika Mumuii Awiemɔ