Adafitswai

◼ Wolo ni akɛbaaha yɛ April kɛ May: Buu-Mɔɔ kɛ Awake! woji tɛtrɛbii lɛ. Hei ni abaajie miishɛɛ kpo yɛ, yɛ sɛɛsaramɔi amli lɛ, abaanyɛ aha ashɛ woji tɛtrɛbii lɛ nyɔji ekpaa. Okɛ Nilee wolo lɛ loo Taoɔ wolo bibioo lɛ aha kɛ yiŋtoo akɛ oooje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Gbalamɔ ojwɛŋmɔ kɛya shia Biblia mli nikasemɔi ashishijee nɔ. July: Abaanyɛ akɛ woji bibii ni hiɛ baafai 32 ni nyiɛ sɛɛ nɛɛ eko fɛɛ eko atsu nii: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu?, Naa! Miifee Nii Fɛɛ Ehee, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, Nɔyeli Ni Kɛ Paradeiso Baaba, kɛ The Divine Name That Will Endure Forever. Kɛ ebaahi lɛ, abaanyɛ akɛ woji bibii tamɔ Gbohii lɛ Amumɔi—Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Diɛŋtsɛ?, Our Problems—Who Will Help Us Solve Them?, Will There Ever Be a World Without War?, kɛ Wolo Kɛha Gbɔmɛi Fɛɛ lɛ aha.

◼ Ajie Nifeemɔ Ni Ji 3 kɛ Nifeemɔ Ni Ji 4 lɛ yɛ “Teokrase Sɔɔmɔ Skul Kɛha 2001” lɛ mli lɛ kɛjɛ Reasoning wolo lɛ baafai kɛ kukuji ni ahala lɛ mli. Kɛ́ aakane kukuji ni yɔɔ wolo lɛ mli lɛ, esa akɛ akane nɔ ni akpa lɛ afã lɛ pɛ.

◼ Kɛjɛ July 30, 2001 otsi lɛ shishijee kɛyaa lɛ, wɔbaakase Yesaia Gbalɛ Lɛ—La Kɛha Adesai Fɛɛ I yɛ Asafo Woloŋ Nikasemɔ lɛ shishi.

◼ Kɛ́ asafoŋ kpeei, kpeei bibii, loo kpee wulu yɛ maŋ kroko nɔ fata ogbɛfaa he gbɛjianɔtoo lɛ he lɛ, okɛ wolo ni obaaŋma ni okɛbi saji ni kɔɔ gbii, bei, kɛ hei lɛ amaje nitsumɔhe nine ní kwɛɔ nitsumɔ nɔ yɛ nakai shikpɔŋ lɛ nɔ lɛ tɛ̃ɛ. Ato nitsumɔhe niji lɛ adrɛs anaa yɛ Yearbook ni ba nyɛsɛɛ nɛɛ naagbee baafa lɛ mli.

◼ Mɛi abɔ ni fa fe fɛɛ ni tee “Nyɔŋmɔ Wiemɔ lɛ Nɔyelɔi” Kpokpaa Wulu nɔ Kpeei lɛ yɛ maŋ nɛŋ fɛɛ ji 166,102, ni abaptisi mɛi 2,869. Mumuii 52 ná wiemɔ he gbɛjianɔtoo lɛ he sɛɛ yɛ kpeei wuji ni afee yɛ mumuii awiemɔ mli lɛ shishi yɛ Takoradi kɛ Koforidua, ni abaptisi amɛteŋ mɛi enyɔ.

◼ Asafo lɛ tɛlifoŋ nɔmba ni ji 712459 lɛ bɛ kɛha sanegbaa dɔŋŋ. Ofainɛ kaatswa nɔmba nɛɛ. Nɔmbai ni nyiɛ sɛɛ nɛɛ kã he amɛyɛ lolo kɛha sanegbaa: 712456/7/8 kɛ 7010110.

◼ Abaaná Portugal wiemɔ lɛ mli Buu-Mɔɔ lɛ yɛ kasɛt nɔ kɛjɛ April 1, 2001 nɔ̃ lɛ nɔ kɛyaa.