Adafitswai

KADIMƆ: Wɔ Maŋtsɛyeli Sɔɔmɔ lɛ baato Sɔɔmɔ Kpee he gbɛjianɔ kɛha otsi fɛɛ otsi yɛ nyɔji ni afeɔ kpokpaa wulu nɔ kpee lɛ yɛ mli lɛ amli. Asafoi lɛ baanyɛ afee tsakemɔi bɔ ni sa koni anyɛ aya “Nyɔŋmɔ Wiemɔ lɛ Tsɔɔlɔi” Kpokpaa Wulu nɔ Kpee lɛ. Akɛ naagbee minitii 15 ni yɔɔ naagbee Sɔɔmɔ Kpee lɛ mli dani abaaya kpee lɛ atsu nii ni akɛti ŋaawoo ni sa ni akɛha yɛ nɔ ni aŋma ahɔ nyɔŋ nɛɛ nɔ nɔ̃ lɛ mli lɛ mli. Abaato gbɛjianɔ koni ati kpee lɛ shishi wiemɔi otii lɛ amli yɛ Sɔɔmɔ Kpee lɛ fɛɛ mli yɛ February nyɔŋ lɛ mli. Kɛha wɔ hesaamɔ kɛha sanegbaa nɛɛ hewɔ lɛ, wɔ fɛɛ wɔbaanyɛ wɔŋmala kpee lɛ shishi wiemɔi otii lɛ wɔshwie shi, kɛ saji otii ni wɔbaasumɔ ni wɔkɛtsu nii yɛ wɔshihilɛ mli kɛ sɔɔmɔ nitsumɔ lɛ mli. Kɛkɛ lɛ wɔbaanyɛ wɔsaa wɔhe ni wɔtsɔɔ bɔ ni wɔkɛ nakai ŋaawoi lɛ etsu nii wɔha kɛjɛ be mli ni wɔjɛ kpee lɛ wɔba nɛɛ. Bɔ ni tsɔsemɔ wiemɔi kpakpai ni wɔnu lɛ ahe eba sɛɛnamɔ kɛha wɔ lɛ ni wɔɔnu lɛ baatswa wɔ fɛɛ ama shi.

◼ Wolo ni akɛbaaha yɛ November: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Kɛ mɛi yɛ enɛɛmɛi momo lɛ, abaanyɛ akɛ Nyɔŋmɔ Sɛɛgbɛ ni Adesai Taoɔ loo wolo kroko ni etsɛ aha. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Wolo kroko ni obaanyɛ okɛha yɛ enɛ najiaŋ ji Mi-Wolo ni Gbaa Biblia Mli Saji, The Bible—God’s Word or Man’s?, loo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ. January: Woji fɛɛ ni hiɛ baafai 192 ni afee dani afi 1987 shɛ ni ekolɛ asafo lɛ yɔɔ eko. Asafoi ni yɔɔ Nyɔŋmɔ Sɛɛgbɛ ni Adesai Taoɔ lɛ eko lɛ baanyɛ ni amɛkɛha. February: Life—How Did It Get Here? By Evolution or by Creation?, Kpojiemɔ—Enaagbee Kwraa lɛ Ebɛŋkɛ!, aloo woji memeji fɛɛ ni hiɛ baafai 192 ni asafo lɛ yɔɔ eko.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ December 1 loo no sɛɛ nɔŋŋ. Esa akɛ atswa asafo lɛ adafi beni akane shika he akɔntaabuu ni baanyiɛ sɛɛ lɛ atsɔɔ, kɛ́ afee enɛ momo.

◼ Esa akɛ asafoi lɛ kɛ amɛ November wolo ni akɛshɛɔ nibii lɛ abɔi 2002 Yearbook of Jehovah’s Witnesses lɛ shɛɛ. Abaaná Yearbook lɛ yɛ Blɔfo mli. Ebaaje kpo yɛ asafo lɛ woji ni akwɛɔ nɔ akɛ nibii majeɔ lɛ nɔ akɛ “Pending” (Aato he gbɛjianɔ) kɛyashi beni nine baashɛ Yearbook lɛ nɔ ni akɛbaamaje. Yearbook srɔtoi lɛ ji woji krɛdɛɛi ni ja ashɛ dani akɛmajeɔ.

◼ Awake! yɛ Kirghiz wiemɔ mli agbɛnɛ, ni ebaa daa nyɔji etɛ.

◼ Awake! ni yɔɔ Japan wiemɔ mli lɛ yɛ kasɛt nɔ agbɛnɛ.

◼ Ákala Buu-Mɔɔ lɛ agboi agbɛnɛ yɛ Chinese Simplified (Pinyin) kɛ Swahili wiemɔi amli.

◼ Wolo Hee ni Nine Eshɛ nɔ Ekoŋŋ:

“Naa! Miifee Nii Fɛɛ Ehee”—Twi