Ghana Betel Mligbelemɔ Nɔyaa He Amaniɛbɔɔ

Te wɔtee nɔ wɔha tɛŋŋ yɛ August? Nugbɔnɛmɔ lɛ ba shi yɛ nitsumɔhe nɛɛ yɛ Accra ni kɔnkret ni atsɔɔ awoɔ faneshi ní atsa lɛ mli kɛha Maŋtsɛyeli Asa hee, He ni Ahereɔ Gbɔi Hiɛmɛɛ Yɛ, kɛ wɔɔhe tsũi heei etɛ lɛ fɛɛ lɛ tee nɔ jogbaŋŋ. Enɛ ji nitsumɔ ko ni yɔɔ srɔto kwraa. Wɔ tsumalɔi akuu ni tsuɔ nii waa lɛ nyɛ amɛtsa bu ni feɔ mitai 1,500 koji ejwɛ, ni amɛfimɔ dadei kakadaji ni amɛkɛlɛmɔ shɛɔ kilomitai 16 ni baaha ewaje tsũ lɛ jogbaŋŋ amɛkɛwo bu ni ekɛlɛ feɔ mitai 1,500 koji ejwɛ ni atsa lɛ mli dani amɛtsɔ kɔnkret amɛwo mli.

Kɛfata nɔ ni atsɔɔ mli momo nɛɛ he lɛ, aje nitsumɔ shishi koni akɛsaa shikpɔŋ ni bu kɛha sɛbo yɔɔ nɔ lɛ he kɛ hei ni abaajie hiɛtserɛ yɛ lɛ nɔ. Agbɛnɛ hu, wɔje nitsumɔ shishi kɛha wɔɔhe tsũi heei lɛ ahe gbɛjegbɛi srɔtoi lɛ. Kɛ Yehowa aaasumɔ lɛ, abaawo shikpɔŋ nɔ kɔnkret kɛha wɔɔhe tsũi lɛ yɛ September mli. Shikome ekoŋŋ lɛ, wɔmiisumɔ ni wɔtsɔɔ bɔ ni wɔhiɛ esɔ nyɛ yelikɛbuamɔ kɛtsɔ sɔlemɔ nɔ lɛ.