Ghana Betel Mligbelemɔ Nɔyaa He Amaniɛbɔɔ

Yɛ March kɛ April nyɔji lɛ amli lɛ, wɔtee hiɛ yɛ wɔɔhe tsũi heei, tsũi heei kɛha Maŋtsɛyeli Asa kɛ He ni Ahereɔ Gbɔi Yɛ, kɛ Nihoomɔhe tsũi heei lɛ ahe nitsumɔ mli. Ákɛ nɔkwɛmɔnɔ lɛ, aje Wɔɔhe ni Ji 3 lɛ gbogboi ahesaamɔ kɛ tsũ lɛ nɔhaa shishi yɛ be mli ni amrɔ nɛɛ ágbe Wɔɔhe ni Ji 2 lɛ gbogbotswaa lɛ naa, ni aamɛ enɔhaa. Beni April baa enaagbee lɛ, no mli lɛ agbe tsũi heei kɛha Maŋtsɛyeli Asa kɛ He ni Ahereɔ Gbɔi Yɛ lɛ gbogboi ahesaamɔ kɛ enɔhaa lɛ naa. Wɔmiikpa gbɛ akɛ wɔbaaje pɛntemɔ, tsũ lɛ nɔhaa, kɛ tile tswaa lɛ ashishi yɛ May.

Yɛ nakai beaŋ nɔŋŋ lɛ, tsũ momo kɛha Maŋtsɛyeli Asa kɛ He ni Ahereɔ Gbɔi Yɛ lɛ mligbelemɔ, ní baatsɔ ɔfis ni Ji 4 lɛ etee hiɛ jogbaŋŋ. Akɛ kɔnkret ewo nyiɛmɔhe lɛ, ni aje emligbɛ gbogbotswaa lɛ kɛ enɔhaa lɛ shishi.

Nɔyaa ni eba kɛbashi amrɔ nɛɛ lɛ tsɔɔ akɛ dani aaashɛ June teŋgbɛ lɛ, no mli lɛ, agbe Nihoomɔhe tsũ hee lɛ naa ni abaanyɛ akɛtsu nii. Miishɛɛ sane kroko hu ji akɛ, agbele he ni abaatsu nu mujimuji lɛ he nii lɛ naa, ni akɛmiitsu nii bianɛ.