Adafitswai

◼ Wolo ni akɛbaaha yɛ March: Akɛ Nilee wolo lɛ atsu nii, koni abɔ mɔdɛŋ ni akɛje shĩa Biblia mli nikasemɔi ashishi. April kɛ May: Akɛ Buu-Mɔɔ kɛ Awake! woji tɛtrɛbii lɛ aha. Esa akɛ shiɛlɔi aha shiatsɛmɛi lɛ ale akɛ amɛbaanyɛ amɛtsu onia kɛha jeŋ muu fɛɛ nitsumɔ lɛ kɛji akɛ amɛmiisumɔ. Beni akuɔ sɛɛ ayasaraa mɛi ni yɔɔ wiemɔ lɛ he miishɛɛ lɛ, aha efee oti ákɛ akɛ Já Anɔkwa Nyɔŋmɔ Kome Lɛ wolo lɛ baaha. Esa akɛ abɔ mɔdɛŋ jogbaŋŋ koni aje shĩa Biblia mli nikasemɔ shishi, titri lɛ kɛji aŋkroaŋkroi komɛi ekase Nilee wolo lɛ kɛ Taoɔ wolo bibioo lɛ momo. June: Akɛ Nilee wolo lɛ aloo Taoɔ wolo bibioo lɛ aha. Kɛji akɛ shiatsɛmɛi lɛ yɛ nɛkɛ woji nɛɛ eko momo lɛ, no lɛ akɛ woji bibii krokomɛi ni sa ni asafo lɛ yɔɔ yɛ ewojiatoohe lɛ atsu nii.

◼ Esa akɛ shiɛlɔi ni miisumɔ ni amɛsɔmɔ akɛ gbɛgbalɔi awalɔi yɛ April mli lɛ ato gbɛjianɔ bianɛ ni amɛkɛ amɛ gbɛbimɔ woji lɛ aha mra. Enɛ baaye abua onukpai lɛ koni amɛto gbɛjianɔ ni he hiaa kɛha shiɛmɔyaa, ni aná woji tɛtrɛbii kɛ woji krokomɛi ni fa saŋŋ. Esa akɛ atsɛ́ mɛi fɛɛ ni akpɛlɛɔ amɛnɔ ákɛ gbɛgbalɔi awalɔi lɛ agbɛi atsɔɔ asafo lɛ daa nyɔŋ nɔ.

◼ Nitsumɔhe nine lɛ ŋmalaaa woji anɔ nii ekɛshɛɛɛ nibii ehaaa shiɛlɔi aŋkroaŋkroi. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje nitsumɔhe nine lɛ, koni mɛi fɛɛ ni sumɔɔ akɛ amɛnine ashɛ woji komɛi anɔ lɛ akɛɛ nyɛmi nuu ni kwɛɔ woji anɔ lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.