Okɛ Já Nyɔŋmɔ Wolo lɛ Atsu Nii ni Okɛfee Biblia Mli Nikasemɔi

Ato Já Anɔkwa Nyɔŋmɔ Kome Lɛ wolo lɛ he gbɛjianɔ ni eye ebua mɛi heei koni amɛya amɛhiɛ yɛ anɔkwale lɛ mli, ni eha hiɛsɔɔ ni amɛyɔɔ kɛha Yehowa kɛ egbɛjianɔtoo lɛ mli akwɔ. Abaanyɛ akɛ Biblia mli nikaselɔi akase wolo nɛɛ ákɛ nikasemɔ wolo ni ji enyɔ. Wɔ Maŋtsɛyeli Sɔɔmɔ ni je kpo yɛ June 2000 lɛ baafa 8 lɛ tsɔɔ mli akɛ: “Kɛ́ eyɛ faŋŋ akɛ mɔ ko miiya ehiɛ, tsɛbelɛ eyɛ shɔ̃ɔ, ni eená hiɛsɔɔ kɛmiiha nɔ ni ekaseɔ lɛ, no lɛ akɛ wolo ni ji enyɔ atsá Biblia mli nikasemɔ lɛ nɔ, kɛ́ agbe Taoɔ wolo bibioo lɛ kɛ Nilee wolo lɛ naa. . . . Yɛ shihilɛ fɛɛ shihilɛ mli lɛ, abaakase Taoɔ wolo bibioo lɛ kɛ Nilee wolo lɛ klɛŋklɛŋ. Esa akɛ aŋma Biblia mli nikasemɔ, sɛɛsaramɔi, kɛ be ni ayeɔ kɛtsáa nikasemɔ lɛ nɔ lɛ koni akɛbu shiɛmɔ nitsumɔ lɛ he akɔntaa, kɛ́ abaptisi nikaselɔ lɛ dani akɛ lɛ gbe wolo ni ji enyɔ lɛ kasemɔ naa po.”

Namɔ hu baanyɛ aná Biblia mli nikasemɔ yɛ Já Nyɔŋmɔ wolo lɛ mli lɛ he sɛɛ? Nakai sane lɛ nɔŋŋ tsa nɔ akɛ: “Kɛ́ ole mɛi komɛi ni be ko ni eho lɛ amɛkase [Taoɔ wolo lɛ kɛ] Nilee wolo lɛ, shi amɛyaaa amɛhiɛ kwraa bɔ ni amɛaajɔɔ amɛhe nɔ koni abaptisi amɛ lɛ, ekolɛ obaasumɔ ni otsɔ hiɛ ni oyana amɛ akɛ amɛbaasumɔ ni amɛje amɛ Biblia mli nikasemɔ lɛ shishi ekoŋŋ lo.” Nyɛhaa wɔbɔa mɔdɛŋ jogbaŋŋ koni wɔkɛ mɛi ni tamɔ nɛkɛ lɛ aje Biblia mli nikasemɔi ashishi yɛ Já Nyɔŋmɔ wolo lɛ mli yɛ March kɛ April mli.