Adafitswai
◼ Wolo ni akɛbaaha yɛ April kɛ May: Buu-Mɔɔ kɛ Awake! Kɛji ooku sɛɛ oyasara mɛi ni yɔɔ wiemɔ lɛ he miishɛɛ, ní ekolɛ mɛi ni ba Kaimɔ lɛ loo nifeemɔi krokomɛi ni asafo lɛ to he gbɛjianɔ lɛ ashishi lɛ fata he, shi amɛkɛ asafo lɛ ebɔɔɔ daa lɛ, no lɛ okɛfee oti ni ma ohiɛ akɛ okɛ wolo hee ni ji Já Anɔkwa Nyɔŋmɔ Kome Pɛ Lɛ baaha. Esa akɛ abɔ mɔdɛŋ fɛɛ ni abaanyɛ koni aje shia Biblia mli nikasemɔ shishi, titri lɛ kɛji aŋkroaŋkroi komɛi ekase Nilee wolo lɛ kɛ Taoɔ wolo bibioo lɛ momo. June: Okɛ Nilee wolo lɛ loo Taoɔ wolo bibioo lɛ aha. Kɛji akɛ shiatsɛmɛi lɛ yɛ woji nɛɛ eko momo lɛ, no lɛ okɛ wolo bibioo kroko ni sa ní asafoi lɛ yɔɔ eko yɛ wojiatoohe lɛ atsu nii. July kɛ August: Abaanyɛ akɛ woji bibii ni hiɛ baafai 32 ni nyiɛ sɛɛ nɛɛ ateŋ eko fɛɛ eko atsu nii: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu?, “Naa! Miifee Nii Fɛɛ Ehee,” Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, Nɔyeli Ni Kɛ Paradeiso Baaba, kɛ The Divine Name That Will Endure Forever.
◼ Ehe miihia ni nitsumɔhe nine lɛ aná asafoŋ sɛinɔtalɔi kɛ woloŋmalɔi fɛɛ adrɛs kɛ amɛtɛlifoŋ nɔmbai ni sa. Kɛji akɛ tsakemɔ ko ba yɛ be ko mli lɛ, esa akɛ Asafoŋ Sɔɔmɔ Ajinafoi akuu lɛ aŋma wolo koni amɛkɛha nitsumɔhe nine lɛ ale amrɔ nɔŋŋ. Kɛji akɛ afee tsakemɔi komɛi yɛ tɛlifoŋ nɔmbai lɛ ahe lɛ, no lɛ akɛ no hu afata he.
◼ Esa akɛ asafoŋ woloŋmalɔi lɛ akwɛ akɛ Application for Regular Pioneer Service (S-205) kɛ Application for Auxiliary Pioneer Service (S-205b) ni yɔɔ lɛ fa bɔ ni sa. Abaanyɛ ni akɛ Literature Request Form (S-14) lɛ ashɛ enɛ. Nyɛhiɛa nɔ ni kɛ hoo kwraa lɛ nyɛbaanyɛ nyɛkɛtsu nii afi. Nyɛkwɛa daa gbɛgbalɔi agbɛbimɔ woji lɛ fɛɛ mli koni nyɛná nɔmimaa akɛ aŋmala fɛɛ nɔ nii jogbaŋŋ. Kɛji mɛi ni biɔ gbɛ lɛ nyɛɛɛ akai be pɔtɛɛ ni akɛbaptisi amɛ lɛ, no lɛ esa akɛ amɛka amɛyiŋ amɛbu he akɔntaa ni amɛŋma amɛfɔ shi.
◼ Be fɛɛ be ni asafoŋ kpeei, kpokpaa nɔ kpee, loo kpokpaa wulu nɔ kpee ni obaaya yɛ maŋsɛɛ lɛ fata ogbɛfaa he gbɛjianɔtoi ahe lɛ, esa akɛ okɛ wolo ni obaaŋma ni okɛbi saji ni kɔɔ gbii, bei, kɛ hei ni abaafee kpeei lɛ yɛ lɛ he lɛ amaje nitsumɔhe nine ni kwɛɔ nitsumɔ lɛ nɔ yɛ nakai shikpɔŋ lɛ nɔ lɛ. Ato nitsumɔhe niji lɛ adrɛs lɛ anaa yɛ Yearbook ni je kpo nyɛsɛɛ nɛɛ naagbee baafa lɛ mli.