Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ June 30, 2003 lɛ mli kɛtsɔ sanebimɔ kɛ hetoo nɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ May 5 otsi lɛ kɛyashi June 30, 2003 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni etao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛni hewɔ gbee tsakemɔ he hiaa kɛ́ aaha wiemɔ lɛ, ni te abaafee tɛŋŋ ni nine ashɛ enɛ nɔ lɛ? [be-GA bf. 111 akrabatsa; bf. 112 akrabatsa]

2. Eyɛ mli moŋ akɛ wielɔ ko heɔ nɔ ni ekɛɔ lɛ eyeɔ ni esumɔɔ Yehowa hu, shi mɛni hewɔ ebaanyɛ efee mɔ ni bɛ miishɛɛ lɛ? [be-GA bf. 115 kk. 3-4; bf. 116 kk. 1]

3. Mɛni baaye abua wielɔ ko koni ejie hedɔɔ kɛ henumɔ kpo yɛ wiemɔ mli, ni mɛni hewɔ enɛ he hiaa? [be-GA bf. 119 kk. 1-4]

4. Mɛni tsɔɔ miishɛɛ, hedɔɔ, kɛ henumɔi krokomɛi ni sa ni esa akɛ ajie lɛ kpo yɛ wiemɔ mli lɛ? [be-GA bf. 120 kk. 2-5]

5. Anɔkwale aloo Amale: Ninefɔɔ ni akɛmaa sane nɔ mi kɛ hiɛ su he miihia yɛ be mli ni otoibolɔi lɛ kwɛɔ bo lɛ pɛ. Tsɔɔmɔ mli. [be-GA bf. 121 kk. 3]

NIFEEMƆ NI JI 1

6. Mɛni ye ebua Yosia ni ekɔ gbɛ ni ja yɛ egbekɛbiiashi mli be ni ehiii lɛ fɛɛ sɛɛ? (2 Kron. 34:1, 2) [w01-GA 4/15 bf. 27 kk. 1-6; bf. 28 kk. 4]

7. Mɛni ji Abɛi 9:7, 8a lɛ shishinumɔ, ni mɛɛ gbɛ nɔ abaanyɛ akɛ enɛ ato shiɛmɔ nitsumɔ lɛ he? [w01-GA 5/15 bf. 29 kk. 4-5]

8. Mɛni Yehowa tsɔɔ beni ekɛɛ Israelbii lɛ akɛ, ‘Ohiɛ akakpa nɔ’ lɛ, ni mɛɛ gbɛ nɔ wɔɔtsɔ wɔkwa hiɛnɔkpamɔ? (5 Mose 4:9; 8:11) [be-GA bf. 20 kk. 1-3]

9. Mɛɛ gbɛ nɔ David anɔkwa wiemɔi ni yɔɔ Lala 32:1, 5 kɛ nɔ ni yɔɔ Lala 51:12, 17 lɛ tsɔɔ yɛ akɛ esaaa akɛ mɔ ko nuɔ he akɛ ehe bɛ sɛɛnamɔ beni efee esha ko ni hiɛdɔɔ yɔɔ mli lɛ sɛɛ, shi moŋ esa akɛ ejie anɔkwa tsuitsakemɔ kpo lɛ? [w01-GA 6/1 bf. 30 kk. 1-3]

10. Mɛni abaanyɛ akase kɛjɛ Paulo ŋaawoi ni aŋma yɛ 1 Timoteo 5:3-16 ni kɔɔ mɛi ni efĩ amɛ lɛ akwɛmɔ he lɛ mli? [w01-GA 6/15 bf. 11 kk. 1]

DAA OTSI BIBLIA KANEMƆ

11. Mɛni Yesu tsɔɔ beni ekɛ wiemɔ ‘fɔmɔ ekoŋŋ’ ni aŋma yɛ Yohane 3:3 lɛ tsu nii lɛ? [w95-GA 7/1 bf. 9-10 kk. 4-5]

12. Mɛɛ gbɛ nɔ Yesu kɛ etsɔsemɔ lɛ tsu nii yɛ, ni mɛɛ nikasemɔ ni he yɔɔ sɛɛnamɔ wɔbaanyɛ wɔkase kɛjɛ enɛ mli? (Yoh. 7:15-18) [w96-GA 2/1 bf. 9-10 kk. 4-7]

13. Mɛni hewɔ Yohane 7:53–8:11 lɛ fataaa New World Translation lɛ ŋmalɛ lɛ diɛŋtsɛ he lɛ?

14. Mɛɛ gbɛ nɔ Yesu ‘baa yɛ gbɛ nɔ nɔŋŋ’ ni ekwɔ kɛtee ŋwɛi lɛ mli? (Bɔf. 1:11) [w90 6/1 bf. 11 kk. 5]

15. Taakɛ aŋma yɛ Bɔfoi lɛ Asaji 5:13 lɛ, mɛni hewɔ ‘mɛi ni eshwɛ lɛ ateŋ mɔ ko mɔ ko ekaaa akɛ ekɛ yiŋfɛlɛfɛlɛ aaayakpɛtɛ kaselɔi lɛ ahe lɛ’?