Adafitswai

◼ Wolo ni akɛbaaha yɛ July kɛ August: Abaanyɛ ni akɛ woji bibii ni hiɛ baafai 32 ni nyiɛ sɛɛ nɛɛ eko fɛɛ eko atsu nii: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu?, “Naa! Miifee Nii Fɛɛ Ehee,” Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, Nɔyeli Ni Kɛ Paradeiso Baaba, kɛ The Divine Name That Will Endure Forever. September: Life—How Did It Get Here? By Evolution or by Creation? October: Buu-Mɔɔ kɛ Awake! Hei ni abaajie miishɛɛ kpo yɛ lɛ, akɛ Taoɔ wolo bibioo lɛ aha, ni abɔ mɔdɛŋ jogbaŋŋ akɛ abaaje Biblia mli nikasemɔi ashishi.

◼ Kɛjɛ September kɛyaa lɛ, kpokpaa nɔkwɛlɔi baaha wiemɔ ni eyitso ji, “Mɛni Hewɔ Esa akɛ Oshe Anɔkwa Nyɔŋmɔ lɛ Gbeyei?”

◼ Betel Saramɔ: Yɛ nitsumɔhe nine lɛ mligbelemɔ nitsumɔ ni yaa nɔ amrɔ nɛɛ yɛ Betel lɛ hewɔ lɛ, anyɛɛɛ akɛ mɛi aya he fɛɛ he. Amrɔ nɛɛ, be fioo ko pɛ akɛbaaha koni akɛ mɛi ashara shi kɛyashi beni abaagbe tsumaa nitsumɔ lɛ naa.

◼ Asafoŋ woloŋmalɔ lɛ baaŋmala shiɛmɔyaa he akɔntaabui lɛ yɛ Congregation Analysis Report (S-10) lɛ nɔ. Ekɛ gbɛtsɔɔmɔ hu ni sa baaha onukpa fɛɛ onukpa loo asafoŋ sɔɔlɔ fɛɛ asafoŋ sɔɔlɔ ni aaaye abua lɛ kɛbua akɔntaabui lɛ anaa lɛ. Enɛ baaye ebua koni aná saji ni he hiaa yɛ Congregation’s Publisher Record woji (S-21) lɛ nɔ lɛ he akɔntaabuu ni ja. Esa akɛ aŋmala Congregation Analysis Report wolo (S-10) lɛ nɔ nii jogbaŋŋ ni ahã efee fɛo ni sɔɔmɔ ajinafoi akuu lɛ akwɛ mli jogbaŋŋ ni akɛmaje dani September 10 aho.

◼ Wɔbaasumɔ ni wɔkai asafoi fɛɛ ni miisumɔ ni amɛyasɔmɔ yɛ shikpɔŋkukuji ni akɛwoko mɔ ko dɛŋ lɛ mli lɛ ni amɛkɛ amɛ asafo lɛ Application for Unassigned Territory (S-90) wolo lɛ aha bianɛ.