Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ August 25, 2003 lɛ mli kɛtsɔ sanebimɔ kɛ hetoo nɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ July 7 otsi lɛ kɛyashi August 25, 2003 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni etao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛɛ sɛɛnamɔi jɛɔ shiatsɛ lɛ hiɛ ni akwɛɔ beni akɛ he woɔ shiɛmɔ nitsumɔ lɛ mli lɛ mli baa? [be-GA bf. 125 kk. 1-2; akrabatsa ni yɔɔ bf. 125]

2. Kɛ́ otsui fãa dani okɛ ohe woɔ shiɛmɔ nitsumɔ lɛ mli lɛ, mɛni baanyɛ aye abua? [be-GA bf. 128 kk. 4-5]

3. Mɛni baaye abua bo koni owie yɛ adebɔɔ su naa kɛ wiemɔ ni sanegbaa yɔɔ mli beni ohaa wiemɔ yɛ wiemɔ kpoku lɛ nɔ lɛ? [be-GA bf. 129 kk. 2; akrabatsa ni yɔɔ bf. 129]

4. Mɛɛ hewalɛ esa akɛ shishitoo mlai ni anaa yɛ 3 Mose 16:4, 24, 26, 28; Yohane 13:10; kɛ Kpojiemɔ 19:8 lɛ aná yɛ wɔgbɔmɔtsoŋ hesaamɔ nɔ, ni mɛni hewɔ enɛ he hiaa lɛ? [be-GA bf. 131 kk. 3; akrabatsa ni yɔɔ bf. 131]

5. Tsɔɔmɔ bɔ ni mɔ ko ni ji hiɛshikalɔ ni eyɔɔ “jwɛŋmɔ ni sa” lɛ ji ha lɛ mli. (1 Tim. 2:9, 10) [be-GA bf. 132 kk. 1]

NIFEEMƆ NI JI 1

6. Eyɛ mli akɛ esa akɛ Kristofoi kɛ tsuishitoo ana mli aha amɛhe moŋ, shi mɛni amɛŋmɛɛɛ gbɛ yɛ amɛteŋ? (Kol. 3:13) [w-GA 01 7/15 bf. 22 kk. 7-8]

7. Te blemabii babaoo je yibɔi akanemɔ shishi amɛha tɛŋŋ? [si bf. 282 kk. 24]

8. Mɛni ji kanyamɔ kpakpa ni fe fɛɛ ni wɔbaanyɛ wɔná ni wɔkɛkane Nyɔŋmɔ Wiemɔ lɛ, ni mɛni hewɔ kanyamɔ nɛɛ ni aaaná lɛ he hiaa lɛ? [be-GA bf. 24 kk. 1]

9. Mɛɛ gbɛ nɔ nilelɔ tsɔɔ ‘etĩaa nilee naa’? (Abɛi 10:14) [w-GA 01 7/15 bf. 27 kk. 4-5]

10. Mɛni hewɔ Hiob sui kpakpai lɛ sa kadimɔ lɛ? (Hiob 1:1, 8; 2:3) [w-GA 01 8/1 bf. 20 kk. 4]

DAA OTSI BIBLIA KANEMƆ

11. Te fee tɛŋŋ ni nɔyeli kuu lɛ mli bii lɛ ‘anaa’ nyɛ ‘fee ekome’ akɛ ehe ehiaaa akɛ afolɔ Jeŋmajiaŋbii heyelilɔi lɛ ketia dani ahere amɛyiwala lɛ? (Bɔf. 15:25)

12. Mɛni hewɔ ni nɔyeli kuu lɛ bi ni Paulo atsu Mose Mla lɛ mli taomɔ nii ko he nii yɛ be mli ni Yehowa efo Mla lɛ mli lɛ? (Bɔf. 21:20-26) [it-1 bf. 481 kk. 3; it-2 bf. 1163 kk. 6–bf. 1164 kk. 1]

13. Mɛɛ amale naafolɔmɔi ni akɛshi bɔfo Paulo tamɔ wiemɔi ni akɛshiɔ Yehowa Odasefoi yɛ ŋmɛnɛŋmɛnɛ beaŋ lɛ? (Bɔf. 24:5, 6) [w–GA 01 12/15 bf. 22 kk. 7–bf. 23 kk. 2]

14. Mɛɛ gbɛ nɔ Paulo tsɔ efee nɔkwɛmɔnɔ efɔ shi yɛ akɛ Maŋtsɛyeli jajelɔ beni atsĩ enaa yɛ shia afii enyɔ akɛ gboklɛfonyo po lɛ? (Bɔf. 28:30, 31)

15. “Hegbɛi ni yeɔ nɔ lɛ” ji “Nyɔŋmɔ gbɛjianɔtoo” lɛ fã ko yɛ mɛɛ gbɛ nɔ, ni te esa akɛ enɛ asa Kristofoi ahe aha tɛŋŋ? (Rom. 13:1, 2) [w-GA 00 8/1 bf. 4 kk. 5]