Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ June 27, 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ May 2 otsi lɛ kɛyashi June 27, 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛni hewɔ okadifeemɔ wiemɔi kɛ saji ni akɛtoɔ nii ahe ni akɛaatsu nii lɛ ji nitsɔɔmɔ gbɛ̀i ni mɔɔ shi jogbaŋŋ lɛ? (1 Mose 22:17; Lala 1:3; Yak. 3:6) [be-GA bf. 240 kk. 2–4, akrabatsa]

2. Nɛgbɛ wɔbaanyɛ wɔná nɔkwɛmɔnii ni sɛɛnamɔ yɔɔ he ni akɛtsɔɔ nii yɛ, shi mɛni ebiɔ ni wɔkwɛ wɔhe nɔ jogbaŋŋ yɛ he yɛ enɛ feemɔ mli? [be-GA bf. 242 kk. 2–3]

3. Mɛni esa akɛ wɔha ehi wɔjwɛŋmɔ mli be mli ni wɔhalaa nɔkwɛmɔnii ni mɔɔ shi jogbaŋŋ lɛ? [be-GA bf. 244 kk. 1–2]

4. Mɛni hewɔ esa akɛ wɔkɛ nibii ni anyɛɔ anaa atsu nii yɛ wɔnitsɔɔmɔ mli lɛ, ni Yehowa fee nakai yɛ mɛɛ gbɛ nɔ? [be-GA bf. 247 kk. 1–2, akrabatsa]

5. Mɛɛ gbɛ̀i anɔ wɔɔtsɔ wɔkɛ nibii ni anyɛɔ anaa atsu nii yɛ shiɛmɔ nitsumɔ lɛ mli? [be-GA bf. 248 kk. 1–bf. 249 kk. 2]

NIFEEMƆ NI JI 1

6. Mɛɛ gbɛtsɔɔmɔ ni kɔɔ gbekɛbii awolokasemɔ he yɔɔ Nyɔŋmɔ Wiemɔ lɛ mli? [w03-GA 3/15 bf. 12 kk. 2; bf. 14 kk. 4]

7. Mɛɛ gbɛ nɔ Yehowa ná David he miishɛɛ be ni eji oblanyo fioo lɛ, ni David hu tsɔɔ akɛ eyɛ Yehowa he miishɛɛ yɛ mɛɛ gbɛ nɔ? [w03-GA 4/15 bf. 29 kk. 4; bf. 30 kk. 3]

8. Mɛni hewɔ Yehowa kpɛlɛ Habel afɔleshãa lɛ nɔ lɛ, ni mɛɛ nɔmimaa enɛ haa wɔnáa? (1 Mose 4:4) [w03-GA 5/1 bf. 28 kk. 4–bf. 29 kk. 1]

9. Mɛni ji “Yehowa tsɔsemɔ lɛ” ní Abɛi 3:11 lɛ bɔɔ wɔ kɔkɔ akɛ wɔkagbe he guɔ lɛ? [w03-GA 10/1 bf. 20 kk. 2-4]

10. Taakɛ atsɔɔ yɛ 1 Timoteo 6:6-8 lɛ, mɛni ‘mɔ mii ni aaashɛ nii ni eyɔɔ lɛ he’ lɛ tsɔɔ? [w03-GA 6/1 bf. 9 kk. 1-2; bf. 10 kk. 1]

DAA OTSI BIBLIA KANEMƆ

11. Suɔmɔ ni mli wa ni kã Yonatan kɛ David teŋ lɛ feɔ mɛni he mfoniri? (2 Sam. 1:26) [w89 1/1 bf. 26 kk. 13]

12. Mɛni wɔbaanyɛ wɔkase kɛjɛ mɔdɛŋ ni David bɔ klɛŋklɛŋ kwraa koni ekɛ kpaŋmɔ adeka lɛ aba Yerusalem lɛ mli? (2 Sam. 6:2-9)

13. Akɛni 5 Mose 24:16 kɛ Ezekiel 18:20 lɛ fɛɛ tsɔɔ akɛ esaaa akɛ agbeɔ bi ko yɛ etsɛ eshai ahewɔ lɛ, mɛni hewɔ beni David kɛ Batsheba fee esha lɛ amɛ binuu lɛ gbo lɛ? (2 Sam. 12:14; 22:31)

14. Te wɔfeɔ tɛŋŋ wɔleɔ akɛ wiemɔi ni Ziba wie yɛ Mefiboshet he lɛ ji amale? (2 Sam. 16:1-4)

15. Mɛni hewɔ bɔ ni Mefiboshet fee enii eha yɛ ekɛ Ziba sane lɛ mli lɛ ji nɔkwɛmɔnɔ ni hi jogbaŋŋ kɛha wɔ lɛ? (2 Sam. 19:25-31)