Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ June 1

“Eyɛ mli akɛ etamɔ nɔ ni mɔ fɛɛ mɔ wieɔ toiŋjɔlɛ he moŋ, shi adesai nyɛɛɛ aná jeŋ ekomefeemɔ. Ani osusuɔ akɛ eji lamɔ ko kɛkɛ? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ gbalaa jwɛŋmɔ kɛyaa nɔyeli ni baanyɛ efee je lɛ ekome lɛ nɔ.” Kanemɔ Lala 72:7, 8 lɛ ni oto gbɛjianɔ koni oku osɛɛ kɛya ni oyatsɔɔ lɛ gbɛ ni abaatsɔ nɔ aha enɛ aba mli lɛ mli.

Awake! June 8

“Ani oyɔse akɛ hewolo nɔ kansa ni gbɛɔ eshwãa babaoo lɛ gbáa mɛi pii anaa? [Ŋmɛɛ gbɛ ni eha hetoo.] Awake! nɛɛ tsɔɔ nɔ hewɔ ni kɛ́ wɔkwɛɛɛ ni ahi lɛ, wɔ mɛi ni wɔyɔɔ ŋmɛnɛ lɛ baanyɛ aná nɛkɛ hela nɛɛ, kɛ nɔ ni wɔbaanyɛ wɔfee koni wɔkɛbu wɔhe lɛ mli.” Okɛ miishɛjemɔ wiemɔ ni anaa yɛ Hiob 33:25 lɛ aha ni okɛmu sanegbaa lɛ naa.

Buu-Mɔɔ June 15

“Wɔteŋ mɛi pii kɛ amɛshihilɛ mli be babaoo baatsu nii. Mɛi komɛi buɔ no akɛ eji jɔɔmɔ; mɛi krokomɛi hu buɔ lɛ akɛ eji loomɔ. Te osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ Jajelɔ 2:24.] Nɛkɛ wolo tɛtrɛɛ nɛɛ tsɔɔ bɔ ni Biblia lɛ baanyɛ aye abua wɔ koni wɔná nitsumɔ he jwɛŋmɔ kpakpa lɛ mli. Etsɔɔ bɔ ni ooofee otsu nɔnyɛɛ ni jɛɔ nitsumɔ mli kɛbaa lɛ hu he nii.”

Awake! June 22

“Eji mɔ fɛɛ mɔ kɛ wiemɔi nɛɛ tsuɔ nii kulɛ, ani osusuɔ akɛ wɔkutso lɛ mli baanyɛ afee shihilɛhe kpakpa ko ni ahiɔ mli? [Kanemɔ Efesobii 4:28. Ŋmɛɛ gbɛ ni eha hetoo.] Wolo tɛtrɛɛ nɛɛ gbaa naagba wulu ni jɛɔ shwapo mli juu mli kɛbahaa wɔteŋ mɔ fɛɛ mɔ. Etsɔɔ bɔ ni etsɛŋ ni shwapo mli juu, kɛ ojotswaai krokomɛi fɛɛ baafee tsutsu nii ni eho etee lɛ hu mli.”