Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ August 29, afi 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ July 4 otsi lɛ kɛyashi August 29, afi 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Kɛ́ wɔkɛ mɛi krokomɛi miigba hiɛnɔkamɔ ni wɔyɔɔ lɛ he sane lɛ, mɛɛ gbɛ nɔ wɔɔtsɔ wɔha ‘gbɔmɛi fɛɛ ale akɛ wɔsusuɔ amɛhe,’ ni mɛni hewɔ enɛ he hiaa lɛ? (Fil. 4:5; Yak. 3:17) [be-GA bf. 251 kk. 1-3, akrabatsa]

2. Be ni esa akɛ wɔŋmɛɛ saji ahe ni wɔɔle lɛ baaha wɔye omanye yɛ be mli ni wɔkɛ mɛi krokomɛi yeɔ lɛ yɛ mɛɛ gbɛ nɔ? [be-GA bf. 253 kk. 1-2]

3. Mɛni hewɔ sanebimɔi ni akɛtsuɔ nii yɛ ŋaa mli lɛ he hiaa be mli ni wɔmiiye wɔbua mɛi krokomɛi koni amɛsusu sane ko he lɛ? [be-GA bf. 253 kk. 3-4]

4. Mɛɛ otii esa akɛ asusu he koni eha sane ko afee nɔ ni kɔneɔ mɔ yiŋ? [be-GA bf. 255 kk. 1-4, akrabatsa; bf. 256 kk. 1, akrabatsa]

5. Kɛ́ wɔkpɛ wɔyiŋ akɛ wɔkɛ odaseyeli ko baafi bɔ ni Ŋmalɛi lɛ ja ha lɛ sɛɛ lɛ, mɛni esa akɛ wɔha ehi wɔjwɛŋmɔ mli? [be-GA bf. 256 kk. 3-5, akrabatsa]

NIFEEMƆ NI JI 1

6. Mɛɛ odaseyeli ni yɔɔ faŋŋ fĩɔ Yesu he yinɔsane lɛ sɛɛ? [w03-GA 6/15 bf. 4-7]

7. Mɛɛ gbɛ nɔ ‘jalɔi anaabu fãa amɛhe,’ ni jalɔi awe lɛ “aaama shi shiŋŋ” yɛ mɛɛ gbɛ nɔ? (Abɛi 12:6, 7) [w03-GA 1/15 bf. 30 kk. 1-3]

8. Akɛni Biblia lɛ jeee wolo ko ni ato mlai ni tsɔɔ nɔ ni afee kɛ nɔ ni akafee lɛ anaa kakadaŋŋ yɛ mli hewɔ lɛ, te wɔɔfee tɛŋŋ ‘wɔyoo nii ni ji Yehowa suɔmɔnaa nii lɛ’? (Efe. 5:17) [w03-GA 12/1 bf. 21 kk. 3–bf. 22 kk. 3]

9. Mɛɛ Biblia mli shishitoo mlai komɛi kɛ́ akɛtsu nii lɛ, ebaanyɛ eye ebua mɔ koni enyɛ ekpee ohia shihilɛ loo shika he naagbai ni ekɛkpeɔ lɛ anaa? [w03-GA 8/1 bf. 5 kk. 3-6]

10. Te esa akɛ nɔkwɛmɔnɔ ni Yehowa fee akɛ mɔ ni kɛ nii haa yaka lɛ aná wɔnɔ hewalɛ eha tɛŋŋ? (Mat. 10:8) [w03-GA 8/1 bf. 20-22]

DAA OTSI BIBLIA KANEMƆ

11. Mɛni ji gbɛii Yakin kɛ Boaz ni akɛwo akulashiŋi enyɔ ní mamɔ shi yɛ sɔlemɔtsu ni Salomo ma lɛ agbó lɛ naa lɛ ashishinumɔ? (1 Maŋ. 7:15-22)

12. Ani Galilea maji 20 ni Salomo kɛke Tiro Maŋtsɛ Hiram lɛ kɛ Mose Mla lɛ kpãa gbee? (1 Maŋ. 9:10-13)

13. Mɛni wɔbaanyɛ wɔkase kɛjɛ toiboo ni “Nyɔŋmɔ gbɔmɔ ko” eyafeee lɛ mli? (1 Maŋ. 13:1-25)

14. Mɛɛ gbɛ nɔ Yuda Maŋtsɛ Asa jie lɛ kpo akɛ eyɛ ekãa, ni mɛni wɔbaanyɛ wɔkase kɛjɛ enɔkwɛmɔnɔ lɛ mli? (1 Maŋ. 15:11-13)

15. Maŋtsɛ Ahab kɛ Nabot sane lɛ tsɔɔ oshara ni yɔɔ mɔbɔ ni mɔ aaana ehe lɛ he yɛ mɛɛ gbɛ nɔ? (1 Maŋ. 21:1-16)