Adafitswai

◼ Wolo ni akɛbaaha yɛ January: Abaanyɛ akɛ woji ni hiɛ baafai 192 ni akala yɛ wolo ni hiɛ tsuɔ nɔ loo ni su etsake, loo wolo fɛɛ wolo ni afee dani afi 1991 shɛ lɛ aha. February: Akɛ Tsi Obɛŋkɛ Yehowa wolo lɛ baaha. March: Akɛ Biblia lɛ Tsɔɔ wolo lɛ baaha ní abɔ mɔdɛŋ aje Biblia mli nikasemɔi ashishi. April kɛ May: Akɛ Buu-Mɔɔ kɛ Awake! lɛ baaha.

◼ Kɛjɛ March 4 kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ yitso ji “Namɛi Baaná Nyɔŋmɔ Jeŋ Hee lɛ Mli Gbɛ?”

◼ Abaasusu vidio ni ji Young People Ask—What Will I Do With My Life? lɛ he yɛ April Sɔɔmɔ Kpee lɛ mli. Kɛ́ nyɛmiitao eko lɛ, esa akɛ nyɛshɛ eko kɛtsɔ asafo lɛ nɔ amrɔ nɔŋŋ.

◼ Etsɛŋ ni akɛ Kaimɔ lɛ he ninefɔɔ woji kɛha afi 2007 lɛ baamaje asafoi fɛɛ.

◼ Esa akɛ asafoi ato gbɛjianɔ ni sa koni amɛye afi nɛɛ Kaimɔ lɛ Ju, April 2, beni hulu enyɔ shi sɛɛ. Eyɛ mli akɛ abaanyɛ aje wiemɔ lɛ shishi mra moŋ, shi esaaa ákɛ akɛ okadi nibii lɛ haa, ja hulu enyɔ shi sɛɛ dã. Esa akɛ asafo fɛɛ asafo abɔ mɔdɛŋ ni eto lɛ diɛŋtsɛ egbɛjianɔ kɛha Kaimɔ lɛ yeli. Shi bei pii lɛ, ekolɛ enɛ nyɛŋ aba lɛ nakai. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha Kaimɔ lɛ yeli. Kɛ́ eeehi lɛ, wɔmiiwo ŋaa akɛ aha kɛ́ hooo lɛ minitii 40 aho dani asafo ni baafee amɛnɔ̃ lɛ kɛnyiɛ sɛɛ lɛ aje amɛgbɛjianɔtoo lɛ shishi, koni mɛi fɛɛ anyɛ amɛkɛ amɛhe agba sane jogbaŋŋ yɛ nifeemɔ lɛ sɛɛ. Esa akɛ ato tsɔji amaamɔhei kɛ hei ni tsɔji jieɔ mɛi loo mɛi kwɔɔ tsɔji yɛ lɛ ahe gbɛjianɔ jogbaŋŋ koni ekɛ naagba akaba. Esa akɛ onukpai akuu lɛ asusu gbɛjianɔtoi ni baahi jogbaŋŋ kɛha amɛ yɛ he ni amɛyɔɔ lɛ he.

◼ Yɛ bɔ ni Kaimɔ lɛ he hiaa ha hewɔ lɛ, esa akɛ onukpai akuu lɛ ahala onukpai lɛ ateŋ mɛi ni he esa jogbaŋŋ lɛ ateŋ mɔ kome ákɛ wielɔ, fe nɔ ni amɛaato naa kɛkɛ aloo ni akɛ nyɛmi nuu kome too lɛ nɔŋŋ aaatsu nii afi fɛɛ afi. Shi kɛji akɛ shwɛɛnii lɛ ateŋ mɔ ko ni eji onukpa ni he esa yɛ ni baanyɛ aha wiemɔ lɛ, esa akɛ ahala lɛ ni eha wiemɔ lɛ.

◼ Nyɛfainɛ nyɛkadia akɛ abaaye afi 2008 Kaimɔ lɛ Hɔɔ, March 22, beni hulu enyɔ shi sɛɛ. Atsɔ hiɛ akɛ adafitswaa nɛɛ miiha, bɔni afee ni ekolɛ nyɛmimɛi ayabi loo amɛtao he ko kɛha nifeemɔ lɛ, kɛji akɛ asafoi srɔtoi ni kpeɔ yɛ Maŋtsɛyeli Asa kometoo mli, ni no hewɔ lɛ esa akɛ atao he kroko.

◼ Esa akɛ asafoŋ woloŋmalɔi lɛ akwɛ akɛ amɛyɛ daa gbɛgbalɔi ni yɔɔ amɛsafoi lɛ amli lɛ ateŋ mɔ fɛɛ mɔ pioneer appointment letter (S-202). Kɛ́ amɛnine shɛko mɔ ko nɔ̃ nɔ lɛ, amɛŋma nitsumɔhe nine lɛ kɛwo amɛtoi nɔ.

◼ Nyɛkwɛa ni nyɛkɛ afi ŋmalɛ hee lɛ akpɛtɛa nyɛ-Maŋtsɛyeli Asa lɛ nɔ amrɔ nɔŋŋ yɛ January 1. Esa akɛ afi ŋmalɛ kɛha asafo fɛɛ asafo lɛ kɛ bɔ ni aŋma lɛ yɛ Wɔ Maŋtsɛyeli Sɔɔmɔ lɛ mli lɛ anyiɛ pɛpɛɛpɛ. Afi ŋmalɛ lɛ ji “Yehowa gbi wulu lɛ ebɛŋkɛ.”—Zef. 1:14.