Adafitswai

◼ Wolo ni akɛbaaha yɛ August: Nyɛkɛ woji bibii ni hiɛ baafai 32 ni kɛ nitsumɔ mɔɔ shi yɛ nyɛshikpɔŋkuku lɛ mli lɛ ahaa. September: Mɛni Biblia lɛ Tsɔɔ Diɛŋtsɛ? October: Nyɛkɛ Buu-Mɔɔ kɛ Awake! woji tɛtrɛbii lɛ ahaa. November: Kasemɔ Nii Kɛjɛ Tsɔɔlɔ Kpele lɛ Ŋɔɔ.

◼ Akɛni otsii anaagbee enumɔ yɔɔ September mli hewɔ lɛ, ebaafee nyɔɔŋ ni sa jogbaŋŋ kɛha gbɛgbalɔi awamɔ nitsumɔ lɛ.

◼ Esa akɛ asafoi fɛɛ abɔi 2008 Calendar of Jehovah’s Witnesses, Ŋmalɛi lɛ Amli ni Wɔɔkwɛ Daa—2008, kɛ 2008 Yearbook of Jehovah’s Witnesses lɛ shɛɛ kɛfata woji ni amɛbaashɛ kɛnyiɛ sɛɛ lɛ ahe. Abaaná Ŋmalɛi lɛ Amli ni Wɔɔkwɛ Daa—2008 wolo lɛ yɛ Blɔfo, Ewe, Ga, Twi kɛ maŋsɛɛ wiemɔi krokomɛi tamɔ French mli.

◼ Wɔyɛ he miishɛɛ akɛ wɔɔha nyɛle gbɛjianɔtoo hee ni abaanyɛ atsɔ nɔ ni nine ashɛ 2008 Yeartext Banner (Afi Ŋmalɛ) ni akɛbaakpɛtɛ shi yɛ Maŋtsɛyeli Asai PƐ anɔ lɛ. Abaanyɛ aná enɛ ni akala yɛ Blɔfo, Dangme, Ewe, Ga, Nzema kɛ Twi wiemɔi amli. Esa akɛ asafo fɛɛ asafo ni wieɔ wiemɔi nɛɛ eko lɛ ato gbɛjianɔ ni amɛná afi ŋmalɛ lɛ eko yɛ amɛwiemɔ mli, ni esa akɛ amɛshɛ enɛ kɛtsɔ asafo ni kwɛɔ woji ashɛɛ nɔ lɛ nɔ amɛfata nibii ni ashɛɔ daa afi ni atsĩ tã kɛtsɔ hiɛ ni amɛbaashɛ kɛnyiɛ sɛɛ lɛ ahe. Nyɛkwɛa koni akɛ asafo fɛɛ asafo Afi Ŋmalɛ lɛ akpɛtɛ shi yɛ asa lɛ nɔ yɛ amɛwiemɔ mli. Nyɛfainɛ, nyɛkɛ gbɛ ni ka shi efolo yɛ S-14 wolo lɛ nɔ ni yɔɔ he ni aŋma “Miscellaneous” yɛ lɛ atsua nii kɛ́ nyɛmiishɛ enɛ. Nyɛtsɔɔa wiemɔ(i) pɔtɛɛ ni nyɛbaasumɔ lɛ. Ekolɛ asafo lɛ baasumɔ ni amɛkɛ shika ake kɛwo enɛ he nyɔmɔ. Abaanyɛ akɛ shika nɛɛ afata shika ni akɛmajeɔ nitsumɔhe nine lɛ daa nyɔɔŋ nɔ lɛ he.

◼ Aakai onukpai lɛ koni amɛtsu gbɛtsɔɔmɔi ni akɛha yɛ April 15, 1991 Watchtower lɛ baafa 21-23 lɛ ni kɔɔ mɔ ko ni ashwie lɛ kɛjɛ asafo lɛ mli loo ekɛɛ ekɛ asafo lɛ ebɔɔɔ dɔŋŋ ni baasumɔ ni ahé lɛ kɛba asafo lɛ mli ekoŋŋ lɛ he lɛ he nii.

◼ Aakai asafoŋ onukpai lɛ koni amɛsaa amɛkwɛ gbɛjianɔ ni ato kɛha nikanemɔ kɛ niŋmaa skul lɛ mli ekoŋŋ taakɛ atsɔɔ yɛ wolo ni wɔŋma yɛ January 20, 2005 lɛ mli lɛ. Nyɛfainɛ nyɛkwɛa koni akɛ gbɛtsɔɔmɔi ni akɛha lɛ atsu nii jogbaŋŋ.