Nɔ ni Esa akɛ Owie yɛ Woji Tɛtrɛbii lɛ Ahe

The Watchtower September 1

“Mɛi babaoo susuɔ akɛ nɔ ni Mose Klɛŋklɛŋ Wolo lɛ kɛɔ yɛ Adam kɛ Hawa he lɛ ji adesã. Mɛi krokomɛi hu heɔ amɛyeɔ akɛ Adam kɛ Hawa ji mɛi komɛi ni hi shi diɛŋtsɛ. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kadimɔ nɔ ni Yesu wie yɛ amɛhe. [Kanemɔ Marko 10:6-9.] Sane ni yɔɔ biɛ lɛ kɛ odaseyeli ni tsɔɔ nakai lɛ haa, ni egbálaa nɔ hewɔ ni nɔ ni wɔheɔ wɔyeɔ lɛ he hiaa lɛ mli.” Okɛ sane ni jeɔ shishi yɛ baafa 12 lɛ atsɔɔ lɛ.

Awake! September

Kanemɔ 1 Yohane 4:8. No sɛɛ lɛ kɛɛmɔ akɛ: “Mɛi komɛi heɔ amɛyeɔ akɛ Nyɔŋmɔ piŋɔ mɛi fɔji lɛ yɛ hɛl la mli kɛyaa naanɔ. Mɛi krokomɛi hu susuɔ akɛ susumɔ ni tamɔ nakai lɛ kɛ nɔ ni wɔkane nɛɛ kpãaa gbee. Te bo hu osusuɔ tɛŋŋ? [Ŋmɛɛ gbɛ ni eha hetoo.] Sane ni yɔɔ biɛ lɛ haa wɔleɔ nɔ ni Biblia lɛ tsɔɔ yɛ sane lɛ he.” Okɛ sane ni jeɔ shishi yɛ baafa 10 lɛ atsɔɔ lɛ.

The Watchtower October 1

“Wɔ fɛɛ wɔnáa naagbai yɛ shihilɛ mli. [Tsĩi ekomɛi ni ale yɛ he ni nyɛyɔɔ lɛ tã.] Ani osusuɔ akɛ Nyɔŋmɔ baanyɛ aye abua wɔ kɛtsu he nii? [Ŋmɛɛ gbɛ ni eha hetoo.] Yesu tsɔɔ gbɛ kome ni Nyɔŋmɔ tsɔɔ nɔ eyeɔ ebuaa wɔ lɛ yɛ ŋmalɛ nɛɛ mli. [Kanemɔ Luka 11:13.] Wolo tɛtrɛɛ nɛɛ gbálaa nɔ ni mumɔ krɔŋkrɔŋ lɛ ji, kɛ bɔ ni wɔbaanyɛ wɔná he sɛɛ lɛ mli.”

Awake! October

“Naagbai baanyɛ aba weku fɛɛ weku mli. Nɛgbɛ osusuɔ akɛ wekui baanyɛ aná ŋaawoo kpakpai yɛ? [Ŋmɛɛ gbɛ ni eha hetoo. No sɛɛ lɛ kanemɔ Lala 32:8.] Awake! wolo krɛdɛɛ nɛɛ kɛ Biblia mli shishitoo mlai pɔtɛɛi komɛi haa ní kɛ́ akɛtsu nii lɛ ebaaye ebua wekui.”