Nɔ ni Esa akɛ Owie yɛ Woji Tɛtrɛbii lɛ Ahe

The Watchtower October 1

“Ŋmɛnɛ lɛ, mɛi babaoo heee yeee akɛ Bɔlɔ ko yɛ. Mɛni hewɔ osusuɔ akɛ amɛheee enɔ amɛyeee lɛ? [Ŋmɛɛ gbɛ ni eha hetoo.] Ŋmalɛ nɛɛ tsɔɔ yiŋtoo kome hewɔ. [Kanemɔ Habakuk 1:2, 3.] Sane ni yɔɔ biɛ nɛɛ haa sanebimɔi komɛi ni kɔɔ Nyɔŋmɔ he ni haaa mɛi ahé enɔ amɛye lɛ ahetoo.” Okɛ sane ni jeɔ shishi yɛ baafa 11 lɛ atsɔɔ lɛ.

Awake! October

“Ani okɛ mi kpãaa gbee akɛ wekui kɛ naagbai babaoo miikpe ŋmɛnɛ? [Ŋmɛɛ gbɛ ni eha hetoo.] Mɛi babaoo leee ŋaawoo ni Biblia lɛ kɛhaa lɛ. Ŋaawoo lɛ eko nɛ. [Kanemɔ ŋmalɛi ni yɔɔ wolo tɛtrɛɛ lɛ mli lɛ ateŋ ekome.] Awake! wolo krɛdɛɛ nɛɛ tsɔɔ bɔ ni Biblia mli shishitoo mlai baanyɛ aye abua wekui kɛtsu naagbai srɔtoi ni amɛkɛkpeɔ lɛ ahe nii.”

The Watchtower November 1

“Ani osusuɔ akɛ nɔ fɛɛ nɔ ni sɔlemɔi lɛ tsɔɔ lɛ jɛ Biblia lɛ mli? [Ŋmɛɛ gbɛ ni eha hetoo.] Biblia lɛ bɔɔ wɔ kɔkɔ koni wɔkwɛ jogbaŋŋ ni akalaka wɔ. [Kanemɔ Kolosebii 2:8.] Wolo tɛtrɛɛ nɛɛ haa wɔleɔ tsɔɔmɔi ekpaa ni teɔ shi woɔ Nyɔŋmɔ Wiemɔ lɛ.”

Awake! November

“Nibii tamɔ mobail foŋ, kɔmpiuta kɛ ekrokomɛi ni tamɔ nakai lɛ ebatsɔ wɔshihilɛ lɛ fã ko. Ani osusuɔ akɛ nibii nɛɛ haa wɔkɛ be tsuɔ nii jogbaŋŋ loo ehaa wɔfiteɔ be? [Ŋmɛɛ gbɛ ni eha hetoo.] Mɛi babaoo baakpɛlɛ hewalɛwoo ákɛ wɔkɛ be atsu nii jogbaŋŋ nɛɛ nɔ. [Kanemɔ Efesobii 5:15, 16.] Wolo tɛtrɛɛ nɛɛ tsɔɔ bɔ ni wɔbaanyɛ wɔŋmɛ pɛpɛɛpɛ yɛ nibii nɛɛ kɛnitsumɔ mli.”