Sanebimɔ He

◼ Namɔ esa akɛ esaa Maŋtsɛyeli Asa lɛ nɔ?

Maŋtsɛyeli Asa lɛ kwramɔ ji wɔsɔɔmɔ krɔŋkrɔŋ lɛ fã ni he hiaa. Atsɔɔ mli yɛ Gbɛjianɔ wolo lɛ baafa 121 lɛ mli akɛ: “Esa akɛ asafo lɛ mli bii lɛ abu lɛ akɛ eji hegbɛ ni amɛná, ni amɛkɛ shika aaafi Maŋtsɛyeli Asa lɛ sɛɛ, ní amɛtsu he nii ni jɛmɛ afee falefale, efee fɛo ni asaa nibii fɛɛ jogbaŋŋ. Esa akɛ Maŋtsɛyeli Asa lɛ mli kɛ ehe fɛɛ afee nɔ ni damɔɔ Yehowa asafo lɛ najiaŋ yɛ gbɛ kpakpa nɔ.” Akɛni akpeɔ shii abɔ yɛ Maŋtsɛyeli Asa lɛ nɔ otsi fɛɛ otsi hewɔ lɛ, ehe miihia ni asaa ni akwra jɛmɛ be fɛɛ be. (2 Kron. 34:10) Esa ákɛ akɛ gbɛjianɔ ni ato kɛha Maŋtsɛyeli Asa lɛ nɔ saamɔ otsi fɛɛ otsi, kɛ nɔ ni esa akɛ atsu lɛ he wolo akpɛtɛ adafitswaa tao lɛ nɔ. Esa akɛ shiɛmɔyaa kui lɛ fɛɛ ato naa kɛsaa asa lɛ nɔ otsi fɛɛ otsi. Kɛ́ jeee asafo kome pɛ kpeɔ yɛ Maŋtsɛyeli Asa lɛ nɔ lɛ, esa akɛ asafoi srɔtoi lɛ amli onukpai lɛ afee ekome kɛkwɛ akɛ asafo fɛɛ asafo kɛ ehe miiwo hegbɛ ni ená akɛ esaa Maŋtsɛyeli Asa lɛ nɔ lɛ mli. Eba akɛ wɔ fɛɛ wɔkɛ miishɛɛ baaye abua koni Yehowa jamɔhe lɛ afee falefale.—1 Pet. 1:16.