Shiɛmɔ Nitsumɔ lɛ He Saji

Eŋɔɔ wɔnaa waa akɛ wɔɔha nyɛle akɛ wɔná hiɛyaa kpele ko ni sa kadimɔ waa yɛ kaselɔfeemɔ nitsumɔ lɛ mli yɛ January 2010 nyɔɔŋ lɛ nɔ, ni enɛ ji klɛŋklɛŋ kwraa ni wɔnáa hiɛyaa ni tamɔ nɛkɛ. Beni wɔkɛ shiɛmɔyaa he akɔntaabui ni nine shɛɛɛ nɔ mra lɛ fɛɛ fata nɔ ni wɔnine eshɛ nɔ momo lɛ he lɛ, wɔná shiɛlɔi ayibɔ ni fe fɛɛ ni ji 100,110 yɛ January nyɔɔŋ lɛ nɔ. Mɛɛ miishɛɛ po enɛ haa wɔnáa nɛkɛ! (Abɛi 25:25) Lɛɛlɛŋ, Yehowa miiwo nitsumɔ lɛ foi yɛ ebe naa.

Eba akɛ amaniɛbɔɔ ni woɔ mɔ hewalɛ nɛɛ baakanya wɔ ni wɔfee bɔ fɛɛ bɔ ni wɔɔnyɛ yɛ sɔɔmɔ nitsumɔ lɛ mli daa nyɔɔŋ nɔ ni wɔkɛ wɔshiɛmɔyaa he akɔntaabui lɛ aha kɛ́ nyɔɔŋ lɛ gbo nɔŋŋ. Kɛ́ wɔfee nakai lɛ, no lɛ wɔbaanyɛ wɔkpa gbɛ akɛ Yehowa baajɔɔ wɔnitsumɔ lɛ nɔ babaoo.