Nɔ ni Esa akɛ Owie yɛ Woji Tɛtrɛbii lɛ Ahe

The Watchtower December 1

“Ani okpɛlɛɛɛ nɔ akɛ etɔɔ fɔlɔ mɔ kome mɛi fe gbalashihilɛ mli hefatalɔi ni ji fɔlɔi? [Ŋmɛɛ lɛ gbɛ ni eha hetoo.] Biblia lɛ woɔ wɔ hewalɛ ni wɔjwɛŋ mɛi ni kɛ shihilɛi ni mli wawai kpeɔ lɛ anɔ. [Kanemɔ Lala 41:1.] Sane ni jeɔ shishi yɛ baafa 22 lɛ tsɔɔ bɔ ni wɔɔfee wɔtsɔɔ akɛ wɔsusuɔ fɔlɔ mɔ kome mɛi lɛ ahe.”

Awake! December

“Mɛi babaoo biɔ akɛ, ‘Kɛ́ Nyɔŋmɔ yɛ lɛ, mɛni hewɔ ni ejieee Abonsam yɛ shihilɛ mli?’ Ani osusu enɛ he pɛŋ? [Ŋmɛɛ lɛ gbɛ ni eha hetoo.] Sane nɛɛ ni yɔɔ baafa 10 kɛ 11 lɛ haa sanebimɔ nɛɛ hetoo kɛjɛɔ Biblia lɛ mli. Agbɛnɛ hu, etsɔɔ wɔ bɔ ni jeŋ shihilɛ baaji kɛji Abonsam bɛ dɔŋŋ.” Kanemɔ Kpojiemɔ 21:3, 4.

The Watchtower January 1

“Mɛi pii susuɔ akɛ Eden trom lɛ he sane lɛ ji adesã. Kɛ́ oná ole akɛ Yesu wie Adam kɛ Hawa he akɛ mɛi ni hi shi lɛɛlɛŋ lɛ, ani onaa baakpɛ ohe? [Ŋmɛɛ lɛ gbɛ ni eha hetoo. No sɛɛ lɛ, kanemɔ Mateo 19:4-6.] Wolo tɛtrɛɛ nɛɛ haa saji komɛi ni mɛi fɔɔ bimɔ yɛ Eden trom lɛ he lɛ hetoo.”

Awake! January

Okɛ wolo tɛtrɛɛ lɛ hiɛ atsɔɔ lɛ ni obi lɛ akɛ, “Te obaaha sanebimɔ nɛɛ hetoo tɛŋŋ? [Ŋmɛɛ lɛ gbɛ ni eha hetoo.] Ŋmalɛi lɛ woɔ mɛi hewalɛ ni amɛkɛ mɛi ahi shi yɛ toiŋjɔlɛ mli. [Kanemɔ Yakobo 3:17.] Kɛ́ nakai ni lɛ, mɛni hewɔ mɔ jamɔ nyɛko aha adesai afee ekome lɛ? Ani be ko baaba ni jamɔ baaha toiŋjɔlɛ ahi mɛi ateŋ? Wolo tɛtrɛɛ nɛɛ haa sanebimɔi nɛɛ ahetoo.”