Shiɛmɔ Nitsumɔ lɛ He Saji

Eŋɔɔ wɔnaa waa akɛ wɔɔha nyɛle akɛ aje Skul Kɛha Asafoŋ Onukpai lɛ shishi yɛ Ghana yɛ May mli. Abaafee skul lɛ yɛ hei srɔtoi yɛ Ghana fɛɛ. Beni yi aaawula shi lɛ, asafoŋ onukpai ni fa fe 8,000 ni yɔɔ Ghana lɛ fɛɛ baaná hegbɛ kɛya skul nɛɛ ni heɔ otsi lɛ eko. Taakɛ eji yɛ maji krokomɛi anɔ lɛ, skul nɛɛ baaye abua asafoŋ onukpai lɛ waa koni amɛkwɛ shiɛmɔ nitsumɔ lɛ nɔ ní amɛtsu asafoŋ sɔ̃i krokomɛi lɛ ahe nii jogbaŋŋ.—Yes. 48:17.