Shiɛmɔ Nitsumɔ lɛ He Saji

Yɛ April afi 2011 mli lɛ, wɔtee hiɛ waa fe bei fɛɛ ni eho yɛ shiɛmɔ nitsumɔ lɛ mli, ni ŋwanejee ko bɛ he akɛ gbɛgbalɔi awamɔ nitsumɔ lɛ ní mɛi pii kɛ amɛhe wo mli lɛ ni ha eba lɛ nakai. Shiɛlɔi 28,762 kɛ amɛhe wo gbɛgbalɔi awamɔ nitsumɔ lɛ mli! Daa gbɛgbalɔi ayifalɛ lɛ hu tee hiɛ kɛshɛ 8,308. Enɛɛmɛi fɛɛ ha wɔná shiɛlɔi ayibɔ hei ni fe fɛɛ ni ji 105,466. Yɛ April afi 2011 lɛ mli lɛ, wɔja woji tɛtrɛbii ni fa fe fɛɛ ni ji 1,389,339.

Ebaaŋɔɔ nyɛnaa hu akɛ nyɛaale akɛ mɛi 311,321 ba Kaimɔ lɛ shishi. Afi nɛɛ ji klɛŋklɛŋ kwraa ni aye Kaimɔ lɛ yɛ maji kɛ akrowai babaoo amli, ni wɔmiida nyɛmimɛi hii kɛ yei 230 ni sɔmɔ akɛ be kukuoo gbɛgbalɔi krɛdɛɛ yɛ nyɔɔŋ nɛɛ mli lɛ ashi.

Nyɛmimɛi, amaniɛbɔɔ nɛɛ ji nɔ ni yɔɔ miishɛɛ waa diɛŋtsɛ, ni wɔ fɛɛ wɔsa yijiemɔ. Nyɛhaa wɔ fɛɛ wɔyaa nɔ wɔkɛ hiɛdɔɔ atsua nitsumɔ ni he hiaa waa nɛɛ.—Mat. 24:14.