Adafitswai

◼ Wolo ni akɛbaaha October: Buu-Mɔɔ kɛ Awake! woji lɛ. Kɛ́ nyɛmiifee sɛɛkuu-kɛsaramɔ lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ ebaahi lɛ, nyɛkɛ Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ woji lɛ ekome ahaa, koni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi. November: Nyɛkɛ dɛhiɛmɔ woji (tracts) ni nyɛyɔɔ, ni sa kɛha nyɛshikpɔŋkuku lɛ ateŋ eko ahaa. Kɛ́ mɔ ko ná wiemɔ lɛ he miishɛɛ lɛ, nyɛkɛ Biblia lɛ Tsɔɔ wolo, Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ woji lɛ ekome afea bɔ ni wɔkɛ mɛi feɔ Biblia mli nikasemɔ lɛ he nɔkwɛmɔnɔ. December: Nyɛkɛ dɛhiɛmɔ woji ni sa kɛha nyɛshikpɔŋkuku lɛ ateŋ eko ahaa. Kɛ́ mɔ ko ná wiemɔ lɛ he miishɛɛ lɛ, nyɛkɛ Biblia lɛ Tsɔɔ wolo, Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ woji lɛ ekome afea bɔ ni wɔkɛ mɛi feɔ Biblia mli nikasemɔ lɛ he nɔkwɛmɔnɔ. January: Nyɛkɛ woji ni hiɛ baafa 32 ni sa kɛha nyɛshikpɔŋkuku lɛ ahaa. Kɛ́ nyɛku sɛɛ nyɛyasara mɔ lɛ, nyɛkɛ Biblia lɛ Tsɔɔ wolo lɛ loo kɛ́ ebaahi lɛ, nyɛkɛ Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ woji lɛ eko ahaa mɔ lɛ koni nyɛbɔ mɔdɛŋ nyɛkɛ lɛ aje Biblia mli nikasemɔ shishi.

◼ Asafoi babaoo ashiɛmɔyaa he akɔntaabui kpeɔ sɛɛ waa dani ebashɛɔ nitsumɔhe nine lɛ. Kɛ́ shiɛlɔi lɛ kɛ amɛshiɛmɔyaa he akɔntaabui lɛ ha mra lɛ, wɔhiɛ sɔɔ waa. Aakai asafoŋ woloŋmalɔi fɛɛ koni amɛbɔ mɔdɛŋ amɛkɛ amɛsafo lɛ shiɛmɔyaa he akɔntaabuu, ní shiɛlɔi ni amɛnɔ ekpe sɛɛ lɛ fata he lɛ amaje (kɛ́ kɛtsɔ wolo majemɔ nɔ jio, jw.org Wɛb saiti lɛ nɔ jio, loo kɛtsɔ fax nɔmba (030-2712454) lɛ nɔ jio) mra daa nyɔɔŋ nɔ.