Ye Obua Amɛ ni ‘Amɛfĩ Shi yɛ Hemɔkɛyeli lɛ Mli’

Kɛ́ wɔkwɛ bɔ ni Yehowa jɔɔ shiɛmɔ nitsumɔ lɛ nɔ lɛ, ehaa wɔnáa miishɛɛ waa. Daa afi lɛ, abaptisiɔ mɛi ni fa fe 250,000. (5 Mose 28:2) Kɛ́ shiɛlɔ ko ye ebua e-Biblia mli nikaselɔ ko kɛshɛ baptisimɔ he lɛ, bei pii lɛ, ewaaa akɛ ekɛ lɛ baakpa nikasemɔ ni ekɛ ejwɛŋmɔ aya mɛi krokomɛi ni eeeye ebua amɛ lɛ nɔ. Ekolɛ nikaselɔ lɛ hu baanu he akɛ esa akɛ ekpa nikasemɔ lɛ koni enyɛ ekɛ be babaoo awo shiɛmɔ nitsumɔ lɛ mli. Kɛlɛ, ehe miihia ni Biblia mli nikaselɔi aná shishitoo kpakpa yɛ anɔkwale lɛ mli. Esa akɛ ‘amɛshishifãi amɔ shi’ yɛ Kristo mli ni ‘amɛfĩ shi yɛ hemɔkɛyeli lɛ mli.’ (Kol. 2:6, 7; 2 Tim. 3:12) No hewɔ lɛ, beni abaptisi nikaselɔ ko sɛɛ lɛ, esa akɛ etsa e-Biblia mli nikasemɔ lɛ nɔ kɛyashi ebaagbe Biblia lɛ Tsɔɔ wolo lɛ kɛ “Nyɔŋmɔ Suɔmɔ” wolo lɛ fɛɛ naa.—Kwɛmɔ April 2011 Wɔ Maŋtsɛyeli Sɔɔmɔ lɛ, baafa 2 lɛ.