Shiɛmɔ Nitsumɔ lɛ He Saji

Wɔkɛ miishɛɛ miihã nyɛle yibɔi ni fe fɛɛ ni wɔná yɛ August 2014 mli! Wɔhã dɛhiɛmɔ woji kɛ woji bibii 4,037,351, kɛ woji tɛtrɛbii 2,133,795. Wɔfee sɛɛ kuu kɛsaramɔi 1,582,089, ni wɔfee Biblia mli nikasemɔi hu 426,404. Agbɛnɛ hu lɛ, wɔná shiɛlɔi ayibɔ ni fe fɛɛ, ni ji 125,443. Kɛ́ akɛ yibɔ nɛɛ to nɔ ni aná yɛ August 2013 lɛ he lɛ, enɛ etee hiɛ 7,162.

Anɔkwa, Yehowa miijɔɔ suɔmɔ mli ni nyɛmimɛi lɛ jɛɔ amɛkɛ amɛhe shãa afɔle yɛ Maŋtsɛyeli shiɛmɔ nitsumɔ lɛ mli lɛ nɔ waa! (Lala 54:6) Wɔmiihã nyɛ fɛɛ ayekoo yɛ gbɛfaŋnɔ ni nyɛtsu yɛ nitsumɔ ni atsuŋ eko dɔŋŋ nɛɛ mli lɛ hewɔ.