Shiɛmɔ Nitsumɔ lɛ He Saji

Nitsumɔ ni aatsu kɛmiilɛɛ wɔnitsumɔhe nine lɛ mli lɛ tee hiɛ waa yɛ December 2014 mli. Amrɔ nɛɛ nyɛmimɛi hii kɛ yei 40 ni jɛ maji srɔtoi 13 anɔ fata wɔnyɛmimɛi 36 ni jɛ wɔmaŋ nɛɛ mli lɛ ahe kɛmiitsu nii. Wɔhiɛ kã nɔ akɛ, abaagbe klɛŋklɛŋ fã lɛ naa yɛ afi 2015 naagbee gbɛ. Klɛŋklɛŋ fã lɛ baabi ni amamɔ tsui etɛ ni baahã aná wɔɔhei 30 afata nɔ ni yɔɔ momo lɛ he, afee he ni abaadoo nu mli yɛ, ni aná generator hee. Nyɛfainɛ, nyɛsɔlea yɛ nitsumɔ nɛɛ he daa, ni nyɛnáa nɔmimaa akɛ Yehowa baajɔɔ nyɛ yɛ onia ni nyɛtsuɔ kɛfiɔ jeŋ muu fɛɛ nitsumɔ lɛ sɛɛ lɛ hewɔ.​—2 Mose 35:5, 21-24.