Teokrase Sɔɔmɔ Skul lɛ Mlitĩi

Mɛɛ anɔkwalei ni kɔɔ Yehowa he ni wajeɔ mɔ hemɔkɛyeli wɔnaa yɛ Solomon sɔlemɔ lɛ mli, ni mɛɛ gbɛ nɔ kɛ́ wɔjwɛŋ nakai anɔkwalei lɛ anɔ lɛ, ebaaye ebua wɔ? (1 Maŋ. 8:22-24, 28) [July 6, w05 7/1 bf. 30 kk. 3]

Mɛɛ gbɛ nɔ wɔɔtsɔ wɔnyiɛ yɛ “tsui ni eye emuu kɛ jalɛ mli,” taakɛ David fee lɛ? (1 Maŋ. 9:4) [July 13, w12 11/15 bf. 7 kk. 18-19]

Mɛni wɔbaanyɛ wɔkase kɛjɛ sane ni kɔɔ tsumɔ ni Yehowa tsu Elia kɛtee yoo okulafo ni yɔɔ Zarefat lɛ ŋɔɔ lɛ he lɛ mli? (1 Maŋ. 17:8-14) [July 27, w14 2/15 bf. 14]

Mɛɛ gbɛ nɔ kɛ́ wɔjwɛŋ sane ni yɔɔ 1 Maŋtsɛmɛi 17:10-16 lɛ nɔ lɛ, ebaawaje hekɛnɔfɔɔ ni wɔyɔɔ yɛ Yehowa mli lɛ? [July 27, w14 2/15 bf. 13-15]

Kɛ́ wɔhao lɛ, mɛɛ gbɛ nɔ Elia nɔkwɛmɔnɔ lɛ baanyɛ aye abua wɔ koni wɔkpee naa? (1 Maŋ. 19:4) [Aug. 3, ia bf. 102-103 kk. 10-12; w14 3/15 bf. 15 kk. 15-16]

Mɛni Yehowa fee be ni ena akɛ egbalɔ anɔkwafo Elia ehao lɛ, ni mɛɛ gbɛ nɔ wɔbaanyɛ wɔtsɔ wɔkase wɔ-Nyɔŋmɔ ni yɔɔ suɔmɔ lɛ? (1 Maŋ. 19:7, 8) [Aug. 3, w14 6/15 bf. 27 kk. 15-16]

Mɛɛ susumɔ ni ejaaa Maŋtsɛ Ahab ná, ni mɛni Kristofoi ni yɔɔ ŋmɛnɛ baanyɛ afee koni amɛkaná susumɔ ni tamɔ nakai? [Aug. 10, lv bf. 164-165, akrabatsa; w14 2/1 bf. 14 kk. 3-4]

Mɛni wɔbaanyɛ wɔkase kɛjɛ nibimɔ ni Elisha kɛfɔ̃ Elia hiɛ lɛ mli, ni mɛɛ gbɛ nɔ enɛ baanyɛ aye abua wɔ kɛ́ wɔnine shɛ nitsumɔ hee ko nɔ yɛ Yehowa sɔɔmɔ mli? (2 Maŋ. 2:9, 10) [Aug. 17, w03 11/1 bf. 31 kk. 5-6]

Mɛɛ gbɛ nɔ gbekɛbii baanyɛ akase hemɔkɛyeli kɛ ekãa ni Israel gbekɛ yoo fioo ni atsĩ etã yɛ 2 Maŋtsɛmɛi 5:1-3 lɛ jie lɛ kpo lɛ? [Aug. 24, w12 2/15 bf. 12-13 kk. 11]

Mɛɛ sui Yehu jie lɛ kpo ni esa akɛ Yehowa tsuji fɛɛ abɔ mɔdɛŋ ni amɛkase yɛ naagbee be nɛɛ mli? (2 Maŋ. 10:16) [Aug. 31, w11 11/15 bf. 5 kk. 4]