Ani Nyɔŋmɔ Wiemɔ lɛ Náa Oshihilɛ nɔ Hewalɛ Daa Gbi?

Kɛ́ wɔkane Biblia lɛ daa gbi lɛ, ebaaye ebua wɔ koni ‘wɔshishifã amɔmɔ shi, ní wɔmamɔ shi shiŋŋ yɛ hemɔkɛyeli lɛ mli.’ (Kol. 2:6, 7) Shi ja wɔjwɛŋ shishitoo mlai ni yɔɔ Yehowa Wiemɔ lɛ mli lɛ anɔ ní wɔkɛtsu nii dani e-Wiemɔ lɛ baaná wɔshihilɛ nɔ hewalɛ. (Heb. 4:12; Yak. 1:22-25) Yoshua 1:8 lɛ tsɔɔ nibii etɛ ni sa akɛ ofee yɛ Nyɔŋmɔ Wiemɔ lɛ he: (1) Kanemɔ lɛ “nyɔɔŋ kɛ shwane.” (2) Too otsui shi okane lɛ bɔ ni baahã oná be ‘kɛjwɛŋ nɔ,’ ni ofee nɔ ni okaneɔ lɛ he mfoniri. (3) Okɛ “bɔ ni aŋma yɛ mli lɛ” fɛɛ atsu nii kɛmɔ shi. Kɛ́ wɔfee nibii nɛɛ lɛ, ebaahã wɔye omanye ni wɔtsɔmɔ ‘hiɛshikalɔi.’