Sanebimɔhe

◼ Mɛɛ be esa akɛ akɛ mɔ ko akpa Biblia lɛ kasemɔ?

Kɛ́ Biblia mli nikaselɔ lɛ kpa nibii ni baahã eya ehiɛ yɛ mumɔŋ lɛ feemɔ lɛ, ekolɛ ebaahi akɛ otsɔ ŋaa gbɛ nɔ okɛ lɛ akpa Biblia lɛ kasemɔ. (Mat. 10:11) Naa nibii komɛi ni obaanyɛ osusu he: Ani eyeɔ be ni nyɛto kɛhã nikasemɔ lɛ nɔ? Ani etsɔɔ hiɛ esaa ehe kɛhã nikasemɔ lɛ? Ani eba asafoŋ kpee pɛŋ? Ani ekɛ mɛi krokomɛi gbaa nibii ni ekaseɔ lɛ he sane? Ani eedamɔ Biblia mli shishitoo mlai anɔ eefee tsakemɔi yɛ eshihilɛ mli? Shi esa akɛ okwɛ afii abɔ ni mɔ lɛ eye kɛ enyɛmɔi dã, ejaakɛ mɔ fɛɛ mɔ kɛ enyɛmɔ. Kɛfata he lɛ, kɛ́ okɛ mɔ lɛ kpa nii lɛ kasemɔ lɛ, esa akɛ ohã ena akɛ kɛ́ efee klalo akɛ ebaakase nii lɛ ekoŋŋ lɛ, okɛ lɛ baatsa nɔ.​—1 Tim. 2:4.