Mɛni Hewɔ Ohiɛ Sɔɔ Jamɔ Krɔŋŋ Lɛ?

Ezekiel ninaa ni kɔɔ sɔlemɔwe lɛ he lɛ wo Yudafoi ni ku amɛ sɛɛ kɛjɛ nomŋɔɔ mli lɛ hewalɛ, ejaakɛ ehã amɛná hiɛnɔkamɔ akɛ abaato jamɔ krɔŋŋ shishi ekoŋŋ. Yɛ naagbee gbii nɛɛ amli lɛ, ato jamɔ krɔŋŋ shishi jogbaŋŋ “yɛ gɔji lɛ ayiteaŋ,” ni wɔfata mɛi ni jɛ jeŋmaji fɛɛ amli ni amɛho kɛba he lɛ ahe. (Yes 2:2) Ani osusuɔ hegbɛ ni oná akɛ obale Yehowa, ni oosɔmɔ lɛ lɛ he yɛ be kɛ beiaŋ?

JƆƆMƆI NI WƆNÁA YƐ JAMƆ KRƆŊŊ LƐ HEWƆ:

• 

  Wɔnáa mumɔŋ niyenii babaoo ni hãa wɔnáa shihilɛ mli sanebimɔi ni he hiaa waa lɛ ahetoo, wɔnáa ŋaawoi kpakpai, kɛ hiɛnɔkamɔ.​—Yes 48:17, 18; 65:13; Ro 15:4

• Wɔyɛ nyɛmimɛi yɛ jeŋ fɛɛ ni sumɔɔ wɔ.​—La 133:1; Yoh 13:35

• Wɔji Nyɔŋmɔ nanemɛi nitsulɔi yɛ nitsumɔ ko ni hãa wɔnáa miishɛɛ mli.​—Bɔf 20:35; 1Ko 3:9

• Wɔyɛ “Nyɔŋmɔ toiŋjɔlɛ” lɛ, ni no wajeɔ wɔ yɛ jaramɔ shihilɛi amli.​—Fil 4:6, 7

• Wɔyɛ henilee ni he tse.​—2Ti 1:3

• ‘Wɔkɛ Yehowa bɔɔ naanyo.’​—La 25:14 Ga Biblia hee

Mɛɛ nibii komɛi kɛ́ mifee lɛ ebaatsɔɔ akɛ mihiɛ sɔɔ jamɔ krɔŋŋ?