Kpa Otsui Ni Oyeɔ Lɛ

Yesu wie yɛ Gɔŋ Nɔ Shiɛmɔ lɛ mli akɛ: “Nyɛkpaa nyɛtsui ni nyɛyeɔ yɛ nyɛwala he” lɛ. (Mat 6:25) Wɔyɛ Satan jeŋ fɔŋ lɛ mli, ni wɔyeee emuu hu, no hewɔ lɛ, ebɛ naakpɛɛ akɛ wɔbaaye wɔtsui yɛ be kɛ beiaŋ. Shi Yesu miitsɔɔ esɛɛnyiɛlɔi lɛ akɛ, amɛkaye amɛtsui fe nine. (La 13:2) Mɛni hewɔ? Ejaakɛ, kɛ́ wɔye wɔtsui fe nine lɛ, ebaanyɛ egbala wɔjwɛŋmɔ ní ehã ewa kɛhã wɔ akɛ wɔkɛ Maŋtsɛyeli lɛ baaye klɛŋklɛŋ gbɛhe, ekɔɔɔ he eko kɛ́ wɔdaa gbi hiamɔ nibii ahe po wɔyeɔ wɔtsui yɛ. (Mat 6:33) Nɔ ni Yesu wie kɛfata he lɛ baawa wɔ ni wɔkpa wɔtsui ni wɔyeɔ fe nine lɛ.

• Mat 6:26​—Kɛ́ wɔkwɛ loofɔji lɛ, mɛni wɔbaanyɛ wɔkase? (w16.07 9-10 kk. 11-13)

• Mat 6:27​—Mɛni hewɔ eji be kɛ hewalɛ fitemɔ akɛ wɔbaaye wɔtsui fe nine lɛ? (w05 11/1 22 kk. 5)

• Mat 6:28-30​—Kɛ́ wɔkwɛ koo mli lili fɔfɔii lɛ, mɛni wɔbaanyɛ wɔkase? (w16.07 10-11 kk. 15-16)

• Mat 6:31, 32​—Mɛɛ gbɛi anɔ esoro Kristofoi yɛ jeŋmaji lɛ ahe? (w16.07 11 kk. 17)

Mɛɛ nibii mitaoɔ makpa mitsui yeli yɛ he?