Oblahii Kɛ Oblayei​—Ani Yehowa Ji Nyɛnaanyo Ni Fe Fɛɛ?

Mɛɛ sui otaoɔ yɛ mɔ ko he dani okɛ lɛ bɔɔ naanyo? Ekolɛ obaasumɔ mɔ ko ni yeɔ anɔkwa, ni mli hi, ni ehãa mɔ nɔ. Yehowa jieɔ sui nɛɛ fɛɛ kpo. (2Mo 34:6; Bɔf 14:17) Kɛ́ osɔle ohã lɛ lɛ, eboɔ toi. Kɛ́ yelikɛbuamɔ he miihia bo lɛ, eyeɔ ebuaa bo. (La 18:19, 35) Ekɛ otɔmɔi keɔ bo. (1Yo 1:9) Yehowa ji Naanyo ni nɔ bɛ kwraa!

Te obaafee tɛŋŋ otsɔ Yehowa naanyo? Kanemɔ e-Wiemɔ lɛ koni ole ehe saji babaoo. Gbaa lɛ oyitsoŋ saji. (La 62:8; 142:2) Okɛ onifeemɔi atsɔɔ akɛ oshwɛɛɛ nibii ni Yehowa shwɛɛɛ he lɛ ahe, tamɔ e-Bi lɛ, e-Maŋtsɛyeli lɛ, kɛ nibii ni ewo shi akɛ ebaafee wɔsɛɛ lɛ nɛkɛ. Gbaa mɛi ehe saji. (5Mo 32:3) Kɛ́ ofee nibii ni baahã naanyobɔɔ ni yɔɔ okɛ Yehowa teŋ lɛ mli awa lɛ, ebaatsɔ o-Naanyo kɛya naanɔ.​—La 73:25, 26, 28.

KWƐMƆ VIDIO NI JI, OBLAHII KƐ OBLAYEI​—“NYƐSAA NYƐNAA NYƐKWƐA NI NYƐAANA AKƐ YEHOWA HI” LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛni obaanyɛ ofee koni ojɔɔ ohe nɔ ni abaptisi bo?

• 

  Mɛɛ gbɛ nɔ asafo lɛ mli bii lɛ baanyɛ awa bo ni osɔmɔ Yehowa?

• 

  Mɛɛ gbɛ nɔ shiɛmɔ nitsumɔ lɛ wajeɔ okɛ Yehowa teŋ wekukpaa lɛ?

• 

  Mɛɛ sɔɔmɔ nitsumɔi obaanyɛ otsu?

• Mɛni osumɔɔ yɛ Yehowa he?